Upplýsingar vegna Covid-19
Fréttir og tilkynningar á vegum sveitarfélagsins
Hvalfjarðarsveit hefur sent út ýmsar tilkynningar og fréttir sem tengjast á einn og annan hátt sveitarfélaginu.
Hér er hægt að fara inn á sérstaka síðu með þessum tilkynningum og fréttum.
Nýr upplýsingavefur um Covid-19
Embætti landlæknis og Ríkislögreglustjóri Almannavarnadeild hafi opnað nýjan vef vegna COVID-19 vírusins þar sem finna má góð ráð og tölulegar upplýsingar. Vefurinn er aðgengilegur hér
Ábending til íbúa í ljósi aðstæðna
Á síðunni www.island.is má finna margskonar umsóknareyðublöð fyrir einstaklinga vegna úrræða á tímum Covid-19. Þar eru t.d. umsóknir um forgang að skólaþjónustu, atvinnuleysisbætur, tilkynning um sóttkví, vottorð vegna sóttkvíar og minnkað starfshlutfall vegna Covid-19.
Á síðunni www.rsk.is/um-rsk/frettir-og-tilkynningar/minnkad-starfshlutfall-og-laun-i-sottkvi má finna upplýsingar og leiðbeiningar fyrir sjálfstætt starfandi einstaklinga vegna minnkaðs starfshlutfalls og launa í sóttkví.
Bakvarðasveit í velferðarþjónustu
Útbreiðsla Covid-19 getur orðið til þess að erfitt verði að manna þjónustu sem ekki má falla niður og skapað þannig álag á vissum starfstöðvum. Mikilvægt er að tryggja þjónustu og aðstoð við viðkvæmustu hópana og því ákvað Félags- og barnamálaráðherra og Samband íslenskra sveitarfélaga að vinna í sameiningu að því að koma á fót bakvarðasveit í velferðarþjónustu.
Leitað er til starfsfólks í velferðarþjónustu sem og annarra áhugasamra aðila til að mynda bakvarðasveit til tímabundinnar aðstoðar í velferðarþjónustu út um allt land. Óskað er eftir liðsinni úr hópi almennra starfsmanna auk félagsliða, þroskaþjálfa, félagsráðgjafa, sjúkraliða, sálfræðinga og hjúkrunarfræðinga sem eru reiðubúin að koma tímabundið til starfa í velferðarþjónustunni með skömmum fyrirvara. Reynsla af störfum í velferðarþjónustu er kostur en ekki skilyrði.
Félagsmálaráðuneytið hefur útbúið rafrænt skráningarform í samvinnu við Samband íslenskra sveitarfélaga fyrir þá sem eru reiðubúnir að skrá sig í bakvarðasveitina. Fólki gefst kostur á að skrá sig í tímavinnu, hlutastarf eða fullt starf allt eftir því hvað hentar viðkomandi. Laun taka mið af kjarasamningi/stofnanasamningi viðkomandi stéttarfélags á þeirri starfstöð sem um ræðir hverju sinni. Við viljum hvetja fólk sem hefur tök á að skrá sig í bakvarðasveitina og byggja upp bakverði um allt land.
Hvalfjarðarsveit fylgir eftir forgangslista neyðarstigs almannavarna
Almannavarnir hafa biðlað til sveitarfélaga að framfylgja forgangslista neyðarstigs almannavarna þegar kemur að skipulagningu starfs í grunn- og leikskólum. Er hér um að ræða aðila sem sinna samfélaglega mikilvægri þjónustu svo sem í heilbrigðisgeiranum og viðbragðsgeiranum. Þetta þýðir að framangreindir aðilar fá forgang fyrir börnin sín gegn samþykki stjórnanda stofnunarinnar. Stjórnendur starfsmanna á forgangslista munu fá nánari leiðbeiningar sendar til sín sem og einnig stjórnendur stofnanna sem um ræðir.
Með þessu vill Hvalfjarðarsveit stuðla að ekki halli á nauðsynlega þjónustu á þessum fordæmalausum tímum. Hvalfjarðarsveit álítur svo að það sé samfélagsskylda sveitarfélagsins að passa vel upp á þessar starfsstéttir sem mest mæðir á um þessar mundir.