Fara í efni

Leik- og grunnskóli

Um skólann

 Leik- og grunnskóli Hvalfjarðarsveitar er 130 barna skóli sem starfræktur er á tveimur stöðum í sveitarfélaginu.

Leikskólinn Skýjaborg er í Melahverfi með 40 börn á aldrinum 1-6 ára og grunnskólinn Heiðarskóli sem staðsettur er við Leirá með um 90 nemendur í 1.-10. bekk. Við skólann starfa um 40 starfsmenn.   

Skólinn er Grænfánaskóli með áherslu á umhverfismennt og útinám.  

Gildi skólans eru VELLÍÐAN VIRÐING METNAÐUR og SAMVINNA og eru þau eins og rauður þráður í gegnum skólanámskrána.    Við skólann er unnið þróunarverkefni í að nota spjaldtölvur í leik og námi og er skólinn vel tækjum búinn. Áhersla er á að auka ábyrgð barna á eigin námi og er það gert með fjölbreytni í kennsluháttum og þemanámi.  

Skólastjóri Heiðarskóla er Sigríður Lára Guðmundsdóttir.

Skólastjóri Skýjaborgar er Eyrún Jóna Reynisdóttir.

Leik- og grunnskóli Hvalfjarðarsveitar