Félagsleg heimaþjónusta

• Markmið félagslegrar heimaþjónustu eru að efla einstaklinga til sjálfshjálpar og gera þeim kleift að búa sem lengst í heimahúsi við sem eðlilegastar aðstæður.
•  Til að tryggja þessi markmið og þar með að fólk varðveiti færni sína og sjálfstæði miðast aðstoð við þau verkefni sem viðkomandi eða aðrir fullorðnir á heimilinu geta ekki sinnt.
• Félagsleg heimaþjónusta er ætluð þeim sem búa í heimahúsum og geta ekki lengur séð hjálparlaust um heimilishald og persónulega umhirðu vegna skertrar getu, fjölskylduaðstæðna, veikinda, fötlunar, barnsburðar eða af öðrum ástæðum. Kvöld- og helgarþjónusta er veitt samkvæmt einstaklingsbundnu mati. 

Helstu verkefni:

• Þrif og almenn heimilisstörf.
• Innlit og samvera.
• Aðstoð og fylgd við rekstur erinda.
• Persónulegur stuðningur og aðstoð í því skyni að rjúfa félagslega einangrun.
• Eftirlit með lyfjatöku.
• Aðstoð við að klæðast/aðhlynning.

Nánari upplýsingar um heimaþjónustu veitir félagsmálastjóri bæði í tölvupósti og í síma 433-8500.