Umhverfis- skipulags- og náttúruverndarnefnd 2013-2022

Borist hefur erindi frá Land-lögmenn fh. Valz þar sem farið er fram á ógildingu deiliskipulags vegna Glammastaða. Málið var tekið fyrir á fundi USN nefndar 20.maí 2015 og gerð eftirfarandi bókun: "USN nefnd felur skipulags- og umhverfisfulltrúa að leita álits lögmanns og Skipulagsstofnunar vegna erindisins."

Borist hefur erindi frá Faxaflóahöfnum varðandi drög að tillögu um jarðvegsmanir á Grundartanga.

Borist hefur erindi frá KRark fyrir hönd Valz ehf. þar sem óskað er eftir heimild til að deiliskipuleggja hluta af Glammastaðalandi milli þjóðvegar og Þórisstaðavatns.Hér er um lögbýlisjörð að ræða og hefur landeigandi óskað eftir að reisa lögbýli á þessum stað.

Á 33. fundi USN nefndar 20. janúar 2014 var gerð eftirfarandi bókun "USN nefnd leggur til við sveitarstjórn að leitað verði umsagnar um lýsinguna og hún kynnt íbúum sveitarfélagsins sbr. 4.2.4. gr. skipulagsreglugerðar 90/2013. Á 163. fundi sveitarstjórnar var tillagan samþykkt samhljóða.

Sótt er um niðurrif á jörðinni Skálatangi, lnr. 133711. Um er að ræða niðurrif á einni byggingu með tveimur matshlutum. Fyrri matshlutinn er alifuglahús, mhl.05, byggt 1950 og er 32,3 fm. Seinni matshlutinn er geymsla, mhl.06, byggt 1960 og er 36,5 fm.

Borist hefur erindi frá Gunnari Ragnarssyni varðandi lóð innan við Sólvelli 2. Málið var tekið fyrir í sveitarstjórn 26. maí 2015 og gerð eftirfarandi bókun: "Sveitarstjórn Hvalfjarðarsveitar samþykkir að fresta afgreiðslu erindisins og samþykkir að vísa því til frekari umfjöllunar hjá USN-nefnd."
Tillagan borin undir atkvæði og samþykkt með 7 atkvæðum."

Borist hefur erindi frá VSÓ Ráðgjöf varðandi viðbrögð hagsmunaaðila er varða fyrirhugaða urðun úrgangsefna í flæðigryfju. Málið var áður tekið fyrir á fundi USN nefndar 11. mars 2015 og afgreitt með eftirfarandi hætti:" USN-nefnd bendir á að umrædd starfsemi er háð framkvæmdaleyfi, sbr. 13. gr. skipulagslaga nr. 123/2010. Flæðigryfjur sem þessar eru jafnframt starfleyfisskyldar og er líklegt að kanna þurfi með matsskyldu þ.e. hvort framkvæmdin sé háð mati á umhverfisáhrifum skv. lögum nr. 106/2000. Þá bendir nefndin á að flæðigryfjurnar á Grundartanga falla undir umhverfisvöktun samkvæmt umhverfisvöktunaráætlun sem samþykkt er af Umhverfisstofnun og gildir fyrir árin 2012-2021. USNnefnd telur auk þess nauðsynlegt að nánari grein sé gerð fyrir þeim úrgangsefnum sem fyrirhugað er að urða og að lagt sé mat á efnasamsetningu þeirra m.t.t. þeirra efna sem nú þegar eru urðuð í flæðigryfjum á svæðinu. USN nefnd treystir sér ekki til að taka afstöðu til fyrirspurnarinnar fyrr en frekari gögn liggja fyrir."

Borist hefur erindi frá Landsneti varðandi undirbúning fyrir framkvæmdaleyfi vegna framkvæmda við tengingar Silicor við tengivirki Landsnets.

Á 49. fundi USN nefndar 11. desember 2014 var gerð eftirfarandi bókun: USN nefnd leggur til við sveitarstjórn að heimila að auglýsa deiliskipulag Olíubirgðastöðvar á Litla-Sandi ásamt umhverfisskýrslu sbr. 1. mgr. 41. gr. skipulagslaga nr. 123/2010 að teknu tilliti til ábendinga skipulagsfulltrúa við framlögð skipulagsgögn og honum falið að vinna málið áfram.

Erindi hefur borist frá Norðuráli hf. dags. 5. mars 2015 vegna aukningar í framleiðslu Norðuráls á Grundartanga. Málið var tekið fyrir á 54. fundi USN nefndar 20. maí 2015 og gerð eftirfarandi bókun. "Málinu frestað, nefndarfólk óskaði eftir lengri tíma til að kynna sér gögnin."