Sveitarstjórn
Björgvin Helgason oddviti, Arnheiður Hjörleifsdóttir varaoddviti, Hjördís Stefánsdóttir
ritari, Jónella Sigurjónsdóttir vararitari, Ása Helgadóttir aðalmaður, Stefán Ármannsson
aðalmaður og Daníel Ottesen aðalmaður.
Skúli Þórðarson sveitarstjóri, ritaði fundargerð.
Björgvin Helgason, oddviti setti fundinn og bauð sveitarstjórnarmenn velkomna til
fundar og síðan var gengið til áður boðaðrar dagskrár.
Oddviti leitaði afbrigða og óskaði eftir því að tekinn yrði á dagskrá fundarins 11. liður;
Skýrsla sveitarstjóra. Samþykkt samhljóða.
Dagskrá:
1. 1508001F - Sveitarstjórn - 201
Fundargerð framlögð.
2. 1508004F - Umhverfis- skipulags- og náttúruverndarnefnd - 58
AH fór yfir og kynnti einstök atriði fundargerðarinnar.
2.1. 1508011 - Grundartangahöfn - Tangabakki 3. áfangi -Framkvæmdaleyfi
Erindi frá Faxaflóahöfnum þar sem sótt er um framkvæmdaleyfi fyrir
Grundartangahöfn, Tangabakka, 3. áfanga, baksvæði hafnarbakka og
fyllingar í lóð Klafastaðavegur 3, Grundartanga. Á 58. fundi USN
nefndar var gerð eftirfarandi bókun: "USN nefnd leggur til við
sveitarstjórn að veitt verði framkvæmdaleyfi fyrir framkvæmdinni
samkvæmt 13. gr. skipulagslaga nr. 123/2010. Skipulagsfulltrúa falið að
vinna málið áfram."
Oddviti bar upp eftirfarandi tillögu:
"Sveitarstjórn samþykkir að veita umbeðið framkvæmdaleyfi skv. 13.
gr. skipulagslaga nr. 123/2010 og felur skipulagsfulltrúa að vinna
málið áfram."
Tillagan borin undir atkvæði og samþykkt með 7 atkvæðum.
2.2. 1508001 - Breyting á rekstri Kratusar, Grundartanga. Beiðni um
umsögn.
Erindi frá Skipulagsstofnun þar sem óskað er eftir umsögn vegna
breytingar á rekstri Kratusar ehf. Grundartanga. Málið var tekið fyrir á
fundi sveitarstjórnar þann 11. ágúst 2015 og gerð var eftirfarandi
bókun: "Sveitarstjórn samþykkir að vísa erindinu til umsagnar USN
nefndar." Á 58. fundi USN nefndar var gerð eftirfarandi bókun:
"USNnefnd óskar eftir nánari upplýsingum um fyrirhugaða færslu skolgryfju á
Grundartanga en skv. kafla 3.2 stefnir framkvæmdaraðili að því að fá
leyfi fyrir færslu skolgryfju frá Helguvík og yfir á Grundartanga. USN nefnd
óskar eftir ítarlegri upplýsingum um hvað sú tilfærsla kemur til
með að hafa í för með sér. Einnig bendir USN-nefnd á áminningar og
kröfur um úrbætur frá Umhverfisstofnun vegna núverandi starfsemi og
umgengni hjá Kratus, sjá heimasíðu Umhverfisstofnunar. USN-nefnd
treystir sér ekki til að meta hvort eða á hvaða forsendum fyrirhuguð
framkvæmd skuli háð mati á umhverfisáhrifum en telur eðlilegt að
fyrirtækið bæti úr þeim frávikum sem Umhverfisstofnun hefur gert
athugasemdir við, áður en leyfi eru veitt til breytingar á rekstri Kratusar
ehf."
Oddviti bar upp eftirfarandi tillögu:
"Sveitarstjórn samþykkir að gera afgreiðslu USN-nefndar að sinni og
óskar ítarlegri upplýsinga um fyrirhugaðan flutning skolgryfju frá
Helguvík að Grundartanga, hvers eðlis sú starfsemi sé og hvað hún
geti haft í för með sér. Þá tekur sveitarstjórn undir bókun USN-nefndar
og kröfur Umhverfisstofnunar um úrbætur vegna núverandi
starfsemi og umgengni á lóð Kratusar. Þá leggur sveitarstjórn ekki
mat á hvort eða á hvaða forsendum fyrirhuguð framkvæmd skuli háð
mati á umhverfisáhrifum, en gerir þá kröfu að fyrirtækið bæti úr þeim
frávikum sem Umhverfisstofnun hefur gert athugasemdir við, áður en
leyfi er veitt til breytingar á rekstri Kratusar ehf."
Tillagan borin undir atkvæði og samþykkt með 7 atkvæðum.
2.3. 1507033 - Faxaflóahafnir - Framkvæmdaleyfi Grundartangi
Erindi frá Faxaflóahöfnum þar sem sótt er um framkvæmdaleyfi fyrir
lóðargerð að Leynisvegi 6, Grundartanga. Á 58.fundi USN nefndar var
gerð eftirfarandi bókun: "USN nefnd leggur til við sveitarstjórn að veitt
verði framkvæmdaleyfi fyrir lóðargerðinni samkvæmt 13. gr.
skipulagslaga nr. 123/2010. Skipulagsfulltrúa falið að vinna málið
áfram. Framkvæmdaleyfi verður ekki gefið út fyrr en breyting á
deiliskipulagi lóðarinnar hefur tekið gildi."
Oddviti bar upp eftirfarandi tillögu:
"Sveitarstjórn samþykkir að veita umbeiði framkvæmdaleyfi skv. 13.
gr. skipulagslaga nr. 123/2010 og felur skipulagsfulltrúa að vinna
málið áfram. Framkvæmdaleyfi verði ekki gefið út fyrr en breyting á
deiliskipulagi lóðarinnar hefur tekið gildi."
Tillagan borin undir atkvæði og samþykkt með 7 atkvæðum.
2.4. 1507032 - Skorradalshreppur - Breyting Aðalskipulags
Skorradalshrepps 2010-2022
Erindi frá Skorradalshreppi dags. 13. júlí 2015 þar sem kynnt er
breyting á Aðalskipulagi Skorradalshrepps 2010-2022 sbr. 2. mgr. 30.
gr. skipulagslaga nr. 123/2010. Breytingin sem um er að ræða varðar
frístundalóðir Hvammsskóga 18 og 20 í landi Hvamms sem breytt er í
eina íbúðarlóð. Á 58. fundi USN nefndar var gerð eftirfarandi bókun:
"USN gerir ekki athugasemd við breytingu Aðalskipulags
Skorradalshrepps 2010-2022 og leggur til við sveitarstjórn að
samþykkja fyrir sitt leyti breytinguna."
Oddviti bar upp eftirfarandi tillögu:
"Sveitarstjórn Hvalfjarðarsveitar gerir ekki athugasemdir við
skipulagsbreytinguna."
Tillagan borin undir atkvæði og samþykkt með 7 atkvæðum.
2.5. 1308017 - Tillaga L og H lista: Breytingar á aðalskipulagi
Hvalfjarðarsveitar 2008-2020.
Á 56. fundi USN nefndar 16. júní 2015 var gerð eftirfarandi bókun:
"USN nefnd leggur til við sveitarstjórn að áður samþykkt tillaga frá 20.
janúar 2014 (liður 15) um breytingu Aðalskipulags Hvalfjarðarsveitar
2008-2020 er varðar landbúnaðarsvæði fari í sinn lögformlega feril."
Samkvæmt 1. mgr. 36. gr. skipulagslaga nr. 123/2010 skal sveitarstjórn
senda lýsingu á verkefninu til umsagnar Skipulagsstofnunar og
umsagnaraðila og kynna hana fyrir almenningi. Á 58. fundi USN
nefndar var gerð eftirfarandi bókun: "USN nefnd samþykkir fyrir sitt
leiti lýsinguna og leggur til við sveitarstjórn að fela skipulagsfulltrúa að
senda lýsingu á verkefninu til umsagnar hjá Skipulagsstofnun og
umsagnaraðilum og kynna hana fyrir almenningi sbr. 30.gr.
skipulagslaga nr. 123/2010.
Oddviti bar upp tillögu um breytingu á lýsingu vegna breyttrar
stefnumörkunar um landbúnaðarsvæði:
Breytingartillagan er svohljóðandi og varðar lið nr. 6 á bls. 36 í
Aðalskipulagi Hvalfjarðarsveitar 2008-2020:
”Þegar fleiri en tvö íbúðarhús/frístundahús eru ráðgerð á sömu jörð
skal deiliskipuleggja svæði sem nær yfir öll húsin og aðkomu að
þeim. Þjónusta sveitarfélagsins er takmörkuð og ekki sú sama og í
þéttbýli, t.d. hvað varðar neysluvatn, viðhald vega og snjómokstur.“
Tillagan borin undir atkvæði og samþykkt með 7 atkvæðum.
Skipulagslýsingin að samþykktri þessari breytingatillögu borin undir
atkvæði og samþykkt samhljóða. Samþykkt samhljóða að fela
skipulagsfulltrúa að senda lýsingu á verkefninu til umsagnar hjá
Skipulagsstofnun og umsagnaraðilum og að hún verði kynnt
almenningi sbr. 30. gr. skipulagslaga nr. 123/2010"
2.6. 1401020 - Deiliskipulag fyrir olíubirgðastöð, Litli-Sandur
Á 56. fundi USN nefndar 16. júni 2015 var gerð eftirfarandi bókun:
"USN nefnd frestar afgreiðslu. Gögnin þarfnast lagfæringar.
Skipulagsfulltrúa falið að koma ábendingum til höfundar skipulags." Á
58.fundi sveitarstjórnar var gerð eftirfarandi bókun: "Skipulagsfulltrúi
hefur átt fund með höfundum skipulags og fullnægjandi gögn hafa borist.
USN nefnd leggur til við sveitarstjórn að fela skipulagsfulltrúa að
auglýsa deiliskipulag fyrir olíubirgðastöðina á Litla-Sandi í Hvalfirði
sbr. 1. mgr. 41. gr. skipulagslaga nr. 123/2010."
Oddviti bar upp eftirfarandi tillögu:
"Sveitarstjórn samþykkir að fela skipulagsfulltrúa að auglýsa
deiliskipulag fyrir olíubirgðastöðina á Litla-Sandi í Hvalfirði sbr. 1.
mgr. 41. gr. skipulagslaga nr. 123/2010."
Tillagan borin undir atkvæði og samþykkt með 7 atkvæðum.
3. 1507003F - Fjölskyldunefnd - 52
ÁH fór yfir og kynnti einstök atriði fundargerðarinnar.
3.1. 1503043 - Stefnumótun fjölskyldunefndar.
Oddviti bar upp eftirfarandi tillögu:
"Sveitarstjórn samþykkir að fresta afgreiðslu á stefnumótun
fjölskyldunefndar. Sveitarstjórn mun vinna áfram með tillöguna í
stefnumótunarvinnu fyrir ýmis málefni sveitarfélagsins."
Tillagan borin undir atkvæði og samþykkt með 7 atkvæðum.
4. 1508015 - 10. fundur landbúnaðarnefndar.
Oddviti bar upp eftirfarandi tillögu:
"Sveitarstjórn samþykkir tillögu nefndarinnar um tilhögun gangna og rétta
haustið 2015. Sveitarstjóra falið að birta upplýsingar um dagsetningar
gangna og rétta á heimasíðu sveitarfélagsins."
Tillagan borin undir atkvæði og samþykkt með 7 atkvæðum.
5. 1507030 - 6. fundur veitunefndar Hvalfjarðarsveitar.
SÁ fór yfir og kynnti einstök atriði fundargerðarinnar.
Fundargerð framlögð.
6. 1508016 - 7. fundur veitunefndar, 20. ágúst 2015.
SÁ greindi frá fyrirhugaðri lokaúttekt á framkvæmd ljósleiðaralagnar.
Fundargerð framlögð.
7. 1508004 - Álagning fasteignaskatts á sumarhúsaeigendur.
Bréf frá Landslögum, dagsett 14. ágúst 2015.
Oddviti bar upp eftirfarandi tillögu:
"Sveitarstjórn samþykkir að fela sveitarstjóra að svara erindinu í samráði
við lögmann sveitarfélagsins og lögfræðinga Sambands íslenskra
sveitarfélaga."
Tillagan borin undir atkvæði og samþykkt með 7 atkvæðum.
8. 1508017 - Samkomulag um framkvæmd eftirlits vegna ríkisstyrkja
Hvalfjarðarsveitar til Silicor Material Iceland ehf. og umboð til
endurkröfu.
Frá Atvinnuvega- og nýsköpunarráðuneytinu.
Oddviti bar uppeftirfarandi tillögu:
"Sveitarstjórn samþykkir framlagt samkomulag milli Hvalfjarðarsveitar og
Atvinnuvega- og nýsköpunarráðuneytisins um framkvæmd eftirlits vegna
ríkisstyrkja Hvalfjarðarsveitar til Silicor Material Iceland ehf. og umboð um
endurkröfu og felur sveitarstjóra undirritun þess."
Tillagan borin undir atkvæði og samþykkt með 6 atkvæðum. AH situr hjá
við atkvæðagreiðsluna.
9. 1505027 - Másstaðir 3 - Smáhýsi 5 talsins
Afgreiðsla að fengnu áliti Skipulagsstofnunar og lögmanns
sveitarfélagsins
Oddviti lagði fram eftirfarandi tillögu:
"Byggingarleyfisumsókninni er synjað að svo stöddu þar sem umsóknin
samræmist ekki aðalskipulagi sveitarfélagsins sbr. umsögn
Skipulagsstofnunar frá 22. júní sl.
Hafin er vinna við breytingu á aðalskipulagi sveitarfélagsins sem gerir ráð
fyrir sambærilegum framkvæmdum þó þannig að eingöngu sé heimilt að
byggja þrjú frístundahús á hverri jörð, samkvæmt skipulagslýsingu sem
nú liggur fyrir. Þá gerir skipulagslýsingin ráð fyrir því að þegar fleiri en tvö
íbúðarhús/frístundahús séu ráðgerð á sömu jörð skuli deiliskipuleggja
svæði sem nær yfir öll húsin. Er umsækjanda bent á að fylgjast með
kynningar- og auglýsingarferli tillögunnar. Í ljósi þess að tillagan gerir ráð
fyrir því að vinna þurfi deiliskipulag er umsækjanda bent á að hann geti á
eigin ábyrgð látið vinna tillögu að deiliskipulagi jarðarinnar eða þess
svæðis sem byggja á umrædd hús sem mögulegt væri að auglýsa til
kynningar samhliða aðalskipulagsbreytingunni til að flýta því ferli. Er
umsækjanda bent á að hafa samvinnu um það við skipulagsfulltrúa vilji
hann fara þá leið."
Tillagan borin undir atkvæði og samþykkt með 6 atkvæðum. HS situr hjá
við atkvæðagreiðsluna.
10. 1508013 - 52. fundur stjórnar Höfða hjúkrunar- og dvalarheimilis.
Fundargerð lögð fram til kynningar.
11. 1502013 - Skýrsla sveitarstjóra.
Skúli Þórðarson, sveitarstjóri fór yfir helstu störf sín frá síðasta fundi
sveitarstjórnar.
Fleira gerðist ekki. Fundargerðin upp lesin og samþykkt. Fundi slitið kl. 16:50