Sveitarstjórn
Björgvin Helgason oddviti, Arnheiður Hjörleifsdóttir varaoddviti, Jónella Sigurjónsdóttir
vararitari, Ása Helgadóttir aðalmaður, Stefán Ármannsson aðalmaður, Daníel Ottesen
aðalmaður og Ólafur Ingi Jóhannesson 1. varamaður.
Skúli Þórðarson sveitarstjóri, ritaði fundargerð.
Björgvin Helgason, oddviti setti fundinn og bauð sveitarstjórnarmenn velkomna til
fundar og síðan var gengið til áður boðaðrar dagskrár.
Hjördís Stefánsdóttir boðaði forföll.
1. 1506003F - Sveitarstjórn - 199
Fundargerð framlögð.
2. 1507001F - Umhverfis- skipulags- og náttúruverndarnefnd - 57
Fundargerð framlögð.
AH fór yfir fundargerðina.
2.1. 1506050 - Norðurál - Grundartangi - fyrirspurn um tengsl
atvinnustarfsemi við skipulag
Fyrirspurn frá Umhverfisstofnun varðandi tengsl atvinnustarfsemi við
skipulag vegna Norðuráls á Grundartanga. Á 57. USN fundi var gerð
eftirfarandi bókun: "USN-nefnd telur framleiðsluaukningu Norðuráls í
350.000 tonna ársframleiðslu rúmast innan stefnumörkunar gildandi
aðalskipulags, svo fremi sem mótvægisaðgerðir vegna umhverfisáhrifa
þeirra umhverfisþátta sem líkur eru á að verði fyrir umhverfisáhrifum
vegna uppbyggingarinnar skulu tilteknar í greinargerð
deiliskipulagsáætlunar. Þá skuli bestu fáanlegu tækni beitt til að draga úr
mengun og nefndin leggur ríka áherslu á að samhliða
framleiðsluaukningunni verði mengunarvarnir efldar þannig að
heildarlosun flúoríða og og brennisteinstvíoxíðs aukist ekki, heldur verði
unnið að því, í samræmi við stefnumörkun aðalskipulagsins, að draga úr
flúormengun eins og kostur er. Því leggur USN- nefnd áherslu á það við
Umhverfisstofnun að við útgáfu starfsleyfis verði viðmiðunarmörk fyrir
flúor hert, þannig að losun flúors verði að hámarki 150 tonn miðað við
350.000 tonna ársframleiðslu.
USN-nefnd telur ljóst að framleiðsluaukningin rúmast ekki innan gildandi
deiliskipulags. Í undirbúningi er nýtt deiliskipulag fyrir svæðið."
Oddviti lagði til að sveitarstjórn samþykki umsögn nefndarinnar.
Tillagan borin undir atkvæði og samþykkt með 7 atkvæðum.
2.2. 1505018 - Leynisvegur 6 - breyting á deiliskipulagi og viðbygging
Erindi frá Snóki verktökum varðandi breytingu á deiliskipulagi og
viðbyggingu við hús að Leynisvegi 6 Grundartanga. Málið var tekið fyrir
á 54. fundi USN nefndar 20. maí 2015 og afgreitt með eftirfarandi hætti:
"USN nefnd felur skipulags- og umhverfisfulltrúa að ræða við
skipulagsfulltrúa Faxaflóahafna og bréfritara." Á 57. USN fundi var gerð
eftirfarandi bókun:"Skipulags- og umhverfisfulltrúi hefur rætt við
skipulagsfulltrúa Faxaflóahafna og bréfritara og skilað hefur verið inn
fullnægjandi gögnum varðandi breytinguna. USN nefnd leggur til við
sveitarstjórn að heimila óverulega breytingu á deiliskipulagi lóðarinnar
sbr. 3 mgr. 44. gr. skipulagslaga 123/2010, að undangenginni
grenndarkynningu fyrir Elkem Ísland, Norðuráli, Faxaflóahöfnum og
eigendum Katanesvegar 3."
Oddviti lagði til að sveitarstjórn samþykki tillögu USN nefndar.
Tillagan borin undir atkvæði og samþykkt með 7 atkvæðum.
2.3. 1409023 - Breyting deiliskipulags lóða á stóriðnaðarsvæði við
Grundartanga, Norðurál
Erindi frá Norðuráli varðandi breytingar á deiliskipulagi vegna
aukningar á framleiðslu Norðuráls. Málið var tekið fyrir á 54. fundi USN
nefndar 20. maí 2015 og gerð eftirfarandi bókun: "Málinu frestað,
nefndarfólk óskaði eftir lengri tíma til að kynna sér gögnin." Málið var
tekið fyrir að nýju á 56. fundi USN nefndar 16. júní 2015 og gerð var
eftirfarandi bókun: "USN nefnd frestar afgreiðslu. Gögnin þarfnast
lagfæringar. Skipulagsfulltrúa er falið að koma ábendingum til höfundar
skipulags. Jafnframt bendir USN nefnd á bókun sveitarstjórnar frá 27.
maí 2014 þar sem fram kemur að: "Hvalfjarðarsveit fer fram á að
samhliða framleiðsluaukningu verði settur upp búnaður með bættu afsogi
frá kerum sem í notkun eru og að það geti vegið á móti
framleiðsluaukningu á stækkunartímabilinu, í samræmi við það sem
Norðurál hefur kynnt opinberlega. Þannig sé unnið markvisst að því að
losun flúors og brennisteinsdíoxiðs aukist ekki á iðnaðarsvæðinu, þrátt
fyrir fyrirhugaða framleiðsluaukningu."" Á 57. fundi USN nefndar var
gerð eftirfarandi bókun:"USN-nefnd leggur til við sveitarstjórn að fela
umhverfis- og skipulagsfulltrúa að auglýsa breytingu á deiliskipulagi lóða
á stóriðnaðarsvæði við Grundartanga sbr. 1. mgr. 43. gr. skipulagslaga
nr. 123/2010 þó með eftirfarandi breytingum á kafla 4.2.1 í
Umhverfisskýrslu deiliskipulags lóðar Norðuráls á Grundartanga:
Samkvæmt starfsleyfi hefur Norðurál leyfi til að losa brennisteinstvíoxíð
sem nemur 21 kg SO2/t Al og flúoríð 0,5 kg Ftotal/t Al. Hámarks losun á
ári miðað við 300.000 tonna ársframleiðslu (núgildandi starfsleyfi) er því
samtals:
- 6.300 t SO2
- 150 t flúoríð
Við útgáfu nýs starfsleyfis miðað við 350.000 t ársframleiðslu er gert ráð
fyrir að viðmiðunargildi vegna brennisteinstvíoxíðs verði uppfærð til
samræmis við starfsleyfi álvera hér á landi með álíka framleiðslugetu en
að viðmiðunargildi vegna flúoríða verði óbreytt. Samkvæmt því mun
hámarkslosun á SO2 lækka niður í 18 kg/t Al. Hámarkslosun álversins
væri þá eftirfarandi:
- 6.300 t SO2
- 175 t flúoríð
Eins og sjá má er hér um sama hámarks magn að ræða fyrir SO2 en ekki
er gert ráð fyrir að útblástur flúoríða aukist eins og nánar er fjallað um.
Breytist í:
Samkvæmt starfsleyfi hefur Norðurál leyfi til að losa brennisteinstvíoxíð
sem nemur 21 kg SO2/t Al og flúoríð 0,5 kg Ftotal/t Al. Hámarks losun á
ári miðað við 300.000 tonna ársframleiðslu (núgildandi starfsleyfi) er því
samtals:
- 6.300 t SO2
- 150 t flúoríð
Við útgáfu nýs starfsleyfis miðað við 350.000 t ársframleiðslu er gert ráð
fyrir að viðmiðunargildi vegna brennisteinstvíoxíðs verði uppfærð til
samræmis við starfsleyfi álvera hér á landi með álíka framleiðslugetu og
að hámarksviðmiðunargildi vegna flúoríða verði óbreytt (hámarkslosun)
þrátt fyrir framleiðsluaukninguna. Samkvæmt því mun hámarkslosun á
SO2 lækka niður í 18 kg/t Al og hámarkslosun flúoríða verður áfram 150
tonn. Hámarkslosun álversins væri þá eftirfarandi:
- 6.300 t SO2
- 150 t flúoríð
Eins og sjá má er hér um sama hámarks magn að ræða fyrir SO2 og
flúoríð, þrátt fyrir framleiðsluaukninguna."
Oddviti lagði til að sveitarstjórn samþykki bókun USN nefndar og feli
skipulags- og umhverfisfulltrúa að auglýsa breytingu á deiliskipulagi.
Tillagan borin undir atkvæði og samþykkt með 7 atkvæðum.
2.4. 1507001 - Hvítanes - umsókn um byggingarleyfi
Erindi frá eigendum Hvítaness vegna byggingarleyfis fyrir stálgrindahús
til nauteldis. Á 57. USN fundi var gerð eftirfarandi bókun: "USN leggur til
við sveitarstjórn að heimila veitingu byggingarleyfis sbr. 3 mgr. 44. gr.
skipulagslaga nr. 123/2010."
Oddviti lagði til við sveitarstjórn að heimila veitingu byggingarleyfis sbr.
3. mgr. 44. gr. skipulagsalaga nr. 123/2010.
Tillagan borin undir atkvæði og samþykkt með 7 atkvæðum.
3. 1507002F - Fræðslu- og skólanefnd - 119
Fundargerð framlögð.
DO fór yfir fundargerðina.
3.1. 1506044 - Skóladagatal Heiðarskóla
Skóladagatal Heiðarskóla fyrir skólaárið 2015-2016.
Fræðslu- og skólanefnd leggur til við sveitarstjórn að samþykkja framlagt
skóladagatal.
Oddviti lagði til að sveitarstjórn samþykki framlagt skóladagatal
Heiðarskóla 2015-2016.
Tillagan borin undir atkvæði og samþykkt með 7 atkvæðum.
3.2. 1506045 - Leikskóladagatal
Skóladagatal Skýjaborgar fyrir skólaárið 2015-2016.
Fræðslu- og skólanefnd leggur til við sveitarstjórn að samþykkja framlagt
skóladagatal.
Oddviti lagði til að sveitarstjórn samþykki framlagt skóladagatal
Skýjaborgar 2015-2016.
Tillagan borin undir atkvæði og samþykkt með 7 atkvæðum.
3.3. 1506047 - Útleigureglur Heiðarskóla
Fræðslu- og skólanefnd hefur samþykkt reglurnar.
Oddviti lagði til að sveitarstjórn samþykki framlagðar reglur um útleigu
Heiðarskóla.
Tillagan borin undir atkvæði og samþykkt með 7 atkvæðum.
3.4. 1506048 - Útleigureglur Heiðarborgar
Fræðslu- og skólanefnd hefur samþykkt reglurnar.
Oddviti lagði til að sveitarstjórn samþykki framlagðar reglur um útleigu
Heiðarborgar.
Tillagan borin undir atkvæði og samþykkt með 7 atkvæðum.
3.5. 1507003 - Stöðugildi í Skýjaborg 2015-2016
Fræðslu- og skólanefnd leggur til við sveitarstjórn að auka stöðugildi á
Skýjaborg um 0,4% fyrir næsta skólaár í samræmi við útreikninga
verklagsreglna um barngildi þar sem það sé stefna sveitarfélagsins að
taka inn börn frá 12 mánaða aldri að því gefnu að það sé laust pláss á
leikskólanum.
Oddviti lagði til að sveitarstjórn samþykki tillögu fræðslu- og
skólanefndar um tímabundna aukningu stöðugilda á Skýjaborg ásamt
eftirfarandi viðauka:
Viðauki 9 - vegna framangreindrar tillögu að fjárhæð kr. 860.000- á 508
04012. Kostnaði verði mætt af fasteignagjaldatekjum 00006-0010.
Tillagan ásamt viðauka 9 borin undir atkvæði og samþykkt með 7
atkvæðum.
4. 1507027 - Neðra-Skarð - Stofnun lóðar - Neðra-Skarð 1
Erindi frá Sigurði Valgeirssyni.
Oddviti lagði til að sveitarstjórn samþykki framlagt erindi og feli
byggingarfulltrúa afgreiðslu þess.
Tillagan borin undir atkvæði og samþykkt með 7 atkvæðum.
5. 1507029 - Fasteignamat 2016
Frá Þjóðskrá Íslands, dagsett 24. júní 2015.
Lagt fram til kynningar bréf Þjóðskrár Íslands þar sem kynnt er
fasteignamat ársins 2016.
Fram kemur að mat fasteigna í Hvalfjarðarsveit hækkar um 1,1% frá árinu
2015 og landmat hækkar um 1,8%.
6. 1505010 - Vegna nýtingarleyfis neysluvatns á Hlíðarfæti
Bréf frá Veiðifélagi Laxár í Leirársveit til ábúenda á Hlíðarfæti og bréf til
Veiðifélagsins Laxár í Leirársveit frá Sporðabliki ehf.
Bréf lagt fram til kynningar.
7. 1507028 - 117. fundur stjórnar SSV, 10. júní 2015
Fundargerð lögð fram til kynningar.
Fleira gerðist ekki. Fundargerðin upp lesin og samþykkt. Fundi slitið kl. 16:30 .