Umhverfis- skipulags- og náttúruverndarnefnd 2011-2013
Arnheiður Hjörleifsdóttir aðalmaður, Daníel Ottesen aðalmaður, Guðjón Jónasson
aðalmaður, Ása Hólmarsdóttir aðalmaður, Ólafur Ingi Jóhannesson aðalmaður og
Ólafur Melsted embættismaður.
Ása Hólmarsdóttir ritari , ritaði fundargerð.
Nefndarmál
1 Norðurál - Grundartangi - fyrirspurn um tengsl atvinnustarfsemi við skipulag. -Mál nr. 1506050
Borist hefur fyrirspurn frá Umhverfisstofnun dags. 16. júní 2015 varðandi tengsl
atvinnustarfsemi við skipulag vegna Norðuráls á Grundartanga.
USN-nefnd telur framleiðsluaukningu Norðuráls í 350.000 tonna ársframleiðslu rúmast
innan stefnumörkunar gildandi aðalskipulags, svo fremi sem mótvægisaðgerðir vegna
umhverfisáhrifa þeirra umhverfisþátta sem líkur eru á að verði fyrir umhverfisáhrifum
vegna uppbyggingarinnar skulu tilteknar í greinargerð deiliskipulagsáætlunar. Þá skuli
bestu fáanlegu tækni beitt til að draga úr mengun og nefndin leggur ríka áherslu á að
samhliða framleiðsluaukningunni verði mengunarvarnir efldar þannig að heildarlosun
flúoríða og og brennisteinstvíoxíðs aukist ekki, heldur verði unnið að því, í samræmi við
stefnumörkun aðalskipulagsins, að draga úr flúormengun eins og kostur er. Því leggur
USN- nefnd áherslu á það við Umhverfisstofnun að við útgáfu starfsleyfis verði
viðmiðunarmörk fyrir flúor hert, þannig að losun flúors verði að hámarki 150 tonn
miðað við 350.000 tonna ársframleiðslu.
USN-nefnd telur ljóst að framleiðsluaukningin rúmast ekki innan gildandi
deiliskipulags. Í undirbúningi er nýtt deiliskipulag fyrir svæðið.
2 Hléseyjarvegur - beiðni um merkingu - Mál nr. 1506054
Borist hefur beiðni frá Jóhönnu Harðardóttur og Sigurði Ingólfssyni dags. 22. júní 2015
varðandi merkingu við Hléseyjarveg. Óskað er eftir að merking verð sett upp eins fljótt
og auðið er.
USN nefnd felur skipulagsfulltrúa að skoða málið nánar fyrir næsta fund.
Skipulagsmál
3 Másstaðir 3 - Smáhýsi 5 talsins - Mál nr. 1505027
Sótt er um byggingarleyfi fyrir fimm "sæluhús"á lóðinni Másstaðir 3, hvert hús er 24
fm. Málið var tekið fyrir á 55. fundi USN nefndar 5. júní 2015 og gerð eftirfarandi
bókun: "USN leggur til við sveitarstjórn að skipulagsfulltrúi framkvæmi
grenndarkynningu fyrir landeigendur Ægissíðu, Gerði og Másstöðum landnr. 133706
skv. 3. mgr. 44.gr. skipulagslaga 123/2010. Málið var tekið fyrir á 198. fundir
sveitarstjórnar 9. júní 2015 og eftirfarandi bókun gerð: "Sveitarstjórn Hvalfjarðarsveitar
samþykkir að fresta afgreiðslu erindisins og óska álits Skipulagsstofnunar á atriðum
sem þarfnast frekari skoðunar"
Álit Skipulagsstofnunar lagt fram og kynnt.
Skipulagsfulltrúa falið að vinna málið áfram.
4 Leynisvegur 6 - breyting á deiliskipulagi og viðbygging - Mál nr. 1505018
Borist hefur erindi frá Snóki verktökum varðandi breytingu á deiliskipulagi og
viðbyggingu við hús. Óskað er eftir því að nýtingarhlutfall lóðar hækki úr 0.4 í 0.6,
byggingarreitur stækki og að hægt verði að byggja 3-5 metra frá lóðarmörkum. Einnig
er óskað eftir því að staðsetja eldsneytisdælu á lóð ásamt niðurgröfnum
eldsneytistönkum og olíuskilju. Málið var tekið fyrir á 54. fundi USN nefndar 20. maí
2015 og afgreitt með eftirfarandi hætti:" USN nefnd felur skipulags- og
umhverfisfulltrúa að ræða við skipulagsfulltrúa Faxaflóahafna og bréfritara"
Skipulags- og umhverfisfulltrúi hefur rætt við skipulagsfulltrúa Faxaflóahafna og
bréfritara og skilað hefur verið inn fullnægjandi gögnum varðandi breytinguna. USN
nefnd leggur til við sveitarstjórn að heimila óverulega breytingu á deiliskipulagi
lóðarinnar sbr. 3 mgr. 44. gr. skipulagslaga 123/2010, að undangenginni
grenndarkynningu fyrir Elkem Ísland, Norðuráli, Faxaflóahöfnum og eigendum
Katanesvegar 3.
5 Breyting deiliskipulags lóða á stóriðnaðarsvæði við Grundartanga, Norðurál -Mál nr. 1409023
Erindi hefur borist frá Norðuráli hf. dags. 5. mars 2015 vegna aukningar á framleiðslu
Norðuráls á Grundartanga. Málið var tekið fyrir á 54. fundi USN nefndar 20. maí 2015
og gerð eftirfarandi bókun: "Málinu frestað, nefndarfólk óskaði eftir lengri tíma til að
kynna sér gögnin." Málið var tekið fyrir að nýju á 56. fundi USN nefndar 16. júní 2015
og gerð var eftirfarandi bókun: "USN nefnd frestar afgreiðslu. Gögnin þarfnast
lagfæringar. Skipulagsfulltrúa er falið að koma ábendingum til höfundar skipulags.
Jafnframt bendir USN nefnd á bókun sveitarstjórnar frá 27. maí 2014 þar sem fram
kemur að: "Hvalfjarðarsveit fer fram á að samhliða framleiðsluaukningu verði settur
upp búnaður með bættu afsogi frá kerum sem í notkun eru og að það geti vegið á móti
framleiðsluaukningu á stækkunartímabilinu, í samræmi við það sem Norðurál hefur
kynnt opinberlega. Þannig sé unnið markvisst að því að losun flúors og
brennisteinsdíoxiðs aukist ekki á iðnaðarsvæðinu, þrátt fyrir fyrirhugaða
framleiðsluaukningu.""
USN-nefnd leggur til við sveitarstjórn að fela umhverfis- og skipulagsfulltrúa að
auglýsa breytingu á deiliskipulagi lóða á stóriðnaðarsvæði við Grundartanga sbr. 1.
mgr. 43. gr. skipulagslaga nr. 123/2010 þó með eftirfarandi breytingum á kafla 4.2.1 í
Umhverfisskýrslu deiliskipulags lóðar Norðuráls á Grundartanga:
Samkvæmt starfsleyfi hefur Norðurál leyfi til að losa brennisteinstvíoxíð sem nemur 21
kg SO2/t Al og flúoríð 0,5 kg Ftotal/t Al. Hámarks losun á ári miðað við 300.000 tonna
ársframleiðslu (núgildandi starfsleyfi) er því samtals:
- 6.300 t SO2
- 150 t flúoríð
Við útgáfu nýs starfsleyfis miðað við 350.000 t ársframleiðslu er gert ráð fyrir að
viðmiðunargildi vegna brennisteinstvíoxíðs verði uppfærð til samræmis við starfsleyfi
álvera hér á landi með álíka framleiðslugetu en að viðmiðunargildi vegna flúoríða
verði óbreytt. Samkvæmt því mun hámarkslosun á SO2 lækka niður í 18 kg/t Al.
Hámarkslosun álversins væri þá eftirfarandi:
- 6.300 t SO2
- 175 t flúoríð
Eins og sjá má er hér um sama hámarks magn að ræða fyrir SO2 en ekki er gert ráð
fyrir að útblástur flúoríða aukist eins og nánar er fjallað um.
Breytist í:
Samkvæmt starfsleyfi hefur Norðurál leyfi til að losa brennisteinstvíoxíð sem nemur 21
kg SO2/t Al og flúoríð 0,5 kg Ftotal/t Al. Hámarks losun á ári miðað við 300.000 tonna
ársframleiðslu (núgildandi starfsleyfi) er því samtals:
- 6.300 t SO2
- 150 t flúoríð
Við útgáfu nýs starfsleyfis miðað við 350.000 t ársframleiðslu er gert ráð fyrir að
viðmiðunargildi vegna brennisteinstvíoxíðs verði uppfærð til samræmis við starfsleyfi
álvera hér á landi með álíka framleiðslugetu og að hámarksviðmiðunargildi vegna
flúoríða verði óbreytt (hámarkslosun) þrátt fyrir framleiðsluaukninguna. Samkvæmt því
mun hámarkslosun á SO2 lækka niður í 18 kg/t Al og hámarkslosun flúoríða verður
áfram 150 tonn. Hámarkslosun álversins væri þá eftirfarandi:
- 6.300 t SO2
- 150 t flúoríð
Eins og sjá má er hér um sama hámarks magn að ræða fyrir SO2 og flúoríð, þrátt fyrir
framleiðsluaukninguna.
Afgreiðslur byggingarfulltrúa
6 Afgreiðslur byggingarfulltrúa - 34 - Mál nr. 1506005F
Lagt fram og kynnt.
6.1 1504020 - Akrakot - Stofnun lóðar - Akrakot 1
6.2 1504023 - Efstiás 18 - Gestahús
6.3 1504033 - Eyrarskógur 16 - Rekstrarleyfi
6.4 1504004 - Ferstikla 3 - Gufubað / Sauna
6.5 1504005 - Miðsandur Kampur - Hvalstöð - Mhl.16 188
6.6 1503018 - Mýrarholtsvegur 2
6.7 1503046 - Skorholt - Stöðuleyfi
6.8 1506013 - Másstaðir 2 - Stöðuleyfi
7 Hvítanes - umsókn um byggingarleyfi - Mál nr. 1507001
Borist hefur umsókn um byggingarleyfi á stálgrindarhúsi til nautaeldis í landi Hvítaness.
Byggingin stendur á sama stað og hús sem fuku í óviðri í vetur.
USN leggur til við sveitarstjórn að heimila veitingu byggingarleyfis sbr. 3 mgr. 44. gr.
skipulagslaga nr. 123/2010.
Fleira gerðist ekki. Fundargerðin upp lesin og samþykkt. Fundi slitið kl. 17:30