Fara í efni
Hafnarfjall
7 NNE 5 m/s
Akrafjall
6 E 5 m/s
Þyrill
6 W 1 m/s

Húsnæðismál

Félagsmálastjóri Hvalfjarðarsveitar veitir einstaklingum og fjölskyldum ráðgjöf og alhliða upplýsingar um húsnæðismál og húsaleigusamninga. Greiðsla sérstaka húsnæðisbóta fer í gegnum félagsmálastjóra Hvalfjarðarsveitar.
Vakin er athygli á því að umsóknir um almennar húsaleigubætur eða húsnæðisbætur fara fram hjá Greiðslustofu húsnæðisbóta, sjá nánari upplýsingar hér að neðan. 
Hvalfjarðarsveit heldur utan um afgreiðalu sérstakra húsaleigubóta ásamt húsnæðisstuðning vegna 15-17 ára ungmenna á heimavist. Rafrænt umsóknareyðublað má nálgast á íbúagátt sveitarfélagsins.

  • Húsnæðisbætur

  • Almennar húsnæðisbætur

Þann 1. janúar 2017 tóku í gildi lög um húsnæðisbætur sem samþykktar voru á Alþingi. 
Lög um húsaleigubætur með skilgreindu hlutverki sveitarfélaganna varðandi afgreiðslu þeirra eru því fallin úr gildi.
Greiðslur húsnæðisbóta, eins og þær kallast samkvæmt nýjum lögum, eru inntar af hendi hjá Greiðslustofu húsnæðisbóta hjá Íbúðalánasjóði. Nánari upplýsingar er hægt að nálgast á heimasíðunni www.husbot.is en þar er hægt að sækja um húsnæðisbætur og einnig er þar aðgengileg reiknivél, sem umsækjendur geta nýtt sér. Eins og áður þarf að endurnýja umsókn um húsnæðisbætur á hverju ári fyrir 20. janúar.
Frekari upplýsingar og aðstoð má nálgast heimasíðunni www.husbot.is, hjá Vinnumálastofnun í síma 515-4800 og hjá félagsmálastjóra Hvalfjarðarsveitar í síma 4338500.

  • Sérstakur húsnæðisstuðningur

Með nýrri lagasetningu um húsnæðisbætur kallast nú sérstakar húsaleigubætur, sérstakur húsnæðisstuðningur.
Sérstakur húsnæðisstuðningur verður áfram greiddur frá sveitarfélögum. Allar umsóknir um húsaleigubætur  er hægt fá á skrifstofu Hvalfjarðarsveitar og fylla þar út umsóknareyðublað, eða rafræna umsókn á heimasíðu Hvalfjarðarsveitar, en vakin er athygli á því að umsækjendur verða að hafa sótt um húsnæðisbætur fyrst hjá Greiðslustofu íbúðalánasjóðs, www.husbot.is
Sérstakar húsnæðisbætur er fjárstuðningur til greiðslu húsaleigu vegna samþykktra íbúða á almennum markaði til viðbótar við almennar húsnæðisbætur. Aðstæður umsækjenda eru metnar út frá ákveðnum tekjuviðmiðum.