Verkefnastjóri á Velferðar- og fræðsludeild

Hvalfjarðarsveit óskar eftir metnaðarfullum og lausnamiðuðum einstaklingi í starf verkefnastjóra á Velferðar- og fræðsludeild. Deildin fer með verkefni sem tengjast velferðar-, fræðslu-, íþrótta-, æskulýðs-, menningar- og frístundamálum. Starf verkefnastjóra felst í að stýra fjölbreyttum verkefnum innan deildarinnar.

Verkefnastjóri starfar náið með deildarstjóra og öðru starfsfólki deildarinnar auk þess sem hann hefur samskipti við annað starfsfólk og stjórnendur stofnana sveitarfélagsins, íbúa, aðra hag- og samstarfsaðila.

Um er að ræða 80-100% starf til eins árs. Viðkomandi þarf að geta hafið störf sem fyrst.

Helstu verkefni:

• Umsjón og eftirfylgni með fjölbreyttum verkefnum á Velferðar- og fræðsludeild.
• Þátttaka í stefnumótun, umbótaverkefnum og faglegri uppbyggingu.
• Greining, úrvinnsla og undirbúningur gagna fyrir stjórnsýslu og skýrslugerð.
• Þróun verklags og þjónustugæða ásamt upplýsingagjöf.

Hæfniskröfur:

• Háskólamenntun sem nýtist í starfi.
• Þekking og reynsla af verkefnastjórnun, stefnumótun og þróunarstarfi er kostur.
• Þekking og reynsla af störfum í opinberri stjórnsýslu er kostur.
• Frumkvæði, skipulagshæfni, sjálfstæði og góð samskiptahæfni.
• Hæfni til að tjá sig í ræðu og riti.

Umsókn skal fylgja:

• Ferilskrá
• Kynningarbréf þar sem gerð er grein fyrir áhuga á starfinu, rökstuðningur fyrir hæfni viðkomandi í starfið ásamt upplýsingum um umsagnaraðila.

Umsækjandi þarf að hafa hreint sakavottorð.

Umsóknarfrestur er til og með 19. desember 2025.

Nánari upplýsingar um starfið veitir deildarstjóri Velferðar- og fræðsludeildar í síma 433-8500 eða á netfanginu
felagsmalastjori@hvalfjardarsveit.is

Laun og starfskjör eru samkvæmt kjarasamningi viðkomandi stéttarfélags og Sambands íslenskra sveitarfélaga.

Hvatning er til allra áhugasamra einstaklinga, óháð kyni, að sækja um starfið.