Vetrarstarf Kirkjukórs Saurbæjarsóknar

Vetrarstarf er að hefjast hjá Kirkjukór Saurbæjarsóknar.  Fyrsta æfing vetrarins er mánudaginn 16. september nk. kl. 19:30 í Miðgarði.  
Kórinn sér um messusöng í kirkjum prestakallsins sem nú hefur verið sameinað Akranesi.  Í kórnum eru ca. 20 manns á öllum aldri, bráðskemmtilegt fólk, bæði úr sveitinni og af Akranesi.  Stjórnandi kórsins er Zsuszanna Budai.  Æfingar eru einu sinni í viku á mánudagskvöldum klukkan 19:30 í félagsheimilinu Miðgarði.  

Auk þess að syngja í messum hefur kórinn tekið þátt í hinum ýmsu viðburðum gegnum árin og gælir við kórferðalag til framandi lands í júní n.k.  
Okkur vantar sérlega karlaraddir en allir eru auðvitað velkomnir, við tökum vel á móti ykkur. 

Stjórn kórsins skipa Ingibjörg Sigurðardóttir, Guðrún Björnsdóttir og Helga Stefanía Magnúsdóttir.
Fyrirspurnir má senda á netfangið helgastef@grunnborg.is   
Svo má líka mæta beint á staðinn.  Við hlökkum til að sjá nýja félaga.