Úrslit ljósmyndasamkeppni Hvalfjarðardaga 2026
Nú liggja fyrir úrslit ljósmyndasamkeppni Hvalfjarðardaga 2026 en þema keppninnar í ár var „Hvalfjarðarsveit – Allt milli himins og jarðar.“
Þátttakan í keppninni var einstaklega góð en alls bárust 120 myndir frá 22 þátttakendum. Menningar- og markaðsnefnd valdi 10 myndir úr innsendum myndum sem þóttu skara fram úr og voru þær til sýnis í stjórnsýsluhúsinu á Hvalfjarðardögum.
Þá fór fram rafræn kosning þar sem almenningi gafst kostur á að velja sína uppáhaldsmynd. Alls voru greidd 180 atkvæði og réðu niðurstöður kosningarinnar úrslitum keppninnar.
Úrslitin urðu eftirfarandi:
1. sæti – með 35% atkvæða. Ljósmyndari: Stefanía Rakel
2. sæti – með 22,8% atkvæða. Ljósmyndari: Eyjólfur Matthíasson
3. sæti – með 17,2% atkvæða. Ljósmyndari: Guðrún Magnúsdóttir
Við óskum vinningshöfum innilega til hamingu.
Menningar- og markaðsnefnd færir öllum þeim sem sendu inn myndir kærar þakkir fyrir þátttökuna. Einnig eru færðar bestu þakkir til allra þeirra sem tóku þátt í kosningunni og lögðu þannig sitt af mörkum við að velja vinningsmynd ársins.