Fara í efni
Hafnarfjall
-4 ENE 17 m/s
Akrafjall
-3 NE 11 m/s
Þyrill
-4 N 7 m/s

Starfsemi í gildandi takmörkunum samkomubanns - uppfært 14.01.2021

Frá 13. janúar 2021 verður dregið úr samkomutakmörkunum með gildistíma til 17. febrúar 2021.  Almennar fjöldatakmarkanir verða 20 manns í stað 10 áður, almenn nálægðarmörk verða áfram 2 metrar og þar sem ekki er unnt að tryggja 2 metra milli einstaklinga er grímuskylda.  Andlitsgríma þarf að hylja bæði nef og munn. 

Börn fædd 2005 og síðar eru undanþegin fjöldatakmörkun, nálægðarmörkum og  grímuskyldu.  

Á meðan ofangreindar reglur gilda verður starfsemi stofnana Hvalfjarðarsveitar með eftirfarandi hætti:   

Heiðarskóli, grunnskóli:

  • Kennsla samkvæmt stundaskrá. Nemendur hólfaðir niður samkvæmt fjöldatakmörkunum innanhúss, hámark 50 nemendur í sama rými. Engar fjöldatakmarkanir utandyra.
  • Grímuskylda innanhúss hjá starfsmönnum þar sem ekki er hægt að tryggja 2 metra fjarlægð. Hámark 20 starfsmenn saman í rými. Starfsmenn mega fara á milli hópa.
  • Börn fædd 2005 og síðar eru undanþegin grímuskyldu og tveggja metra reglu.
  • Hefðbundin frístund.
  • Utanaðkomandi heimsóknir ekki leyfðar nema í samráði við skólastjóra, ávallt grímuskylda utanaðkomandi aðila
  • Foreldrar og aðstandendur skulu ekki koma inn í skólabyggingar nema brýna nauðsyn beri til og þá í samráði við skólastjóra, ávallt grímuskylda.
  • Foreldrar og aðstandendur sem eru sjálfir að koma með eða sækja sitt barn skulu ekki koma inn í skólann heldur hringja í síma 433-8525 á skólatíma (8:10 – 13:30) og síma 833-9862 á frístundatíma (13:30 – 16:30 mán - fim). Starfsmenn skólans sjá um að taka á móti börnum við aðalinngang eða fylgja börnum út.

 Skýjaborg, leikskóli:

  • Hefðbundið skólastarf
  • Utanaðkomandi heimsóknir ekki leyfðar nema í samráði við leikskólastjóra
  • Tekið er á móti börnum og þau sótt við útidyr. Foreldrar mega ekki koma inn í leikskólann (Gott að banka á glugga á deildum ef starfsmaður er ekki við)
  • 7:30-8:15: Öll börn mæta við aðalútidyr Regnboga
  • 8:15-15:30: Dropabörn mæta og eru sótt við útidyr Dropa og Regnbogabörn við útidyr Regnboga 
  • 15:30-16:30: Öll börn sótt við útidyr Dropa
  • Í lok dags eru börnin úti á skólalóð ef aðstæður leyfa
  • Ekki þarf að taka öll útiföt heim á hverjum degi. Gott að fá fötin í góðum pokum sem auðvelt er að ganga um
  • Foreldrar sem ekki geta haldið 2 metra fjarlægð við starfsfólk, þegar komið er með börn og þau sótt, þurfa að hafa andlitsgrímu  

 Heiðarborg, íþróttahús og sundlaug:

  • Opið fyrir íþróttastarf í grunnskólanum
  • Sundlaug er opin fyrir almenning, með takmörkunum
  • Þrek og íþróttasalur áfram lokað

 Félagsmiðstöð 301:

  • Hefðbundið félagsstarf, opið fyrir miðstig og unglingastig

 Heimilisþjónusta:

  • Óbreytt fyrirkomulag og þjónusta

 Félagsstarf aldraðra:

  • Sundleikfimi fellur niður um óákveðinn tíma
  • Opnu húsi í Miðgarði frestað um óákveðinn tíma

 Stjórnsýsluhús:

  • Hefðbundin starfsemi
  • Óbreyttur opnunartími en biðlað til fólks að koma einungis ef brýn þörf er á
  • Þeir sem eiga erindi eru hvattir til að nýta síma og/eða tölvupóst eins og kostur er

 Félagsheimili:

  • Óbreytt rekstrarfyrirkomulag

 Stöndum saman og sinnum sóttvörnum, hugum hvert og eitt að eigin smitvörnum en mikilvægt er að þvo hendur reglulega, spritta, virða nálægðartakmarkanir og halda sig heima verði einkenna vart.

Leiki grunur á smiti skal strax hafa samband við heilsugæslu í gegnum síma, við netspjall á www.heilsuvera.is eða við Læknavakt í síma 1700.

Við erum öll almannavarnir og með samhentum aðgerðum erum við sterkari og öflugri.

Munið að fjöldatakmarkanir gilda bæði í opinberu rými og í einkarými (þó ekki um heimilisfólk á heimili sínu).