Söguskilti afhjúpað við Miðgarð

Halldór Blöndal fyrrverandi alþingismaður og ráðherra mun afhjúpa söguskilti við félagsheimilið Miðgarð, laugardaginn 27. nóvember nk. kl. 12:00.  Á skiltinu er farið yfir sögu Jóns Hreggviðssonar, Péturs Ottesen, Ytra-Hólms og Innri-Hólms ásamt Innri-Hólmskirkju. 

Þetta er annað skiltið sem er afhjúpað í verkefninu „Merking sögu og merkisstaða í Hvalfjarðarsveit“. Verkefnið er unnið í samstarfi við Markaðsstofu Vesturlands og byggir á samstarfi þriggja sveitarfélaga við Hvalfjörð sem eru Kjósarhreppur, Hvalfjarðarsveit og Akranes og gengur út á þróun ferðaleiða um Hvalfjörð.

Jólamarkaður sóknarnefndar Innri-Hólmskirkju  til styrktar kirkjunni fer fram í Miðgarði þessa helgi og er opinn frá kl. 13:00 - 17:00 báða dagana.

 Allir velkomnir.