Reglur um styrki vegna varmadælna
16. maí 2022
Sveitarstjórn Hvalfjarðarsveitar hefur, að tillögu mannvirkja- og framkvæmdanefndar, samþykkt reglur um styrki vegna varmadælna í Hvalfjarðarsveit, reglurnar má sjá hér
Í kjölfar samnings sveitarfélagsins við Hagvarma ehf. um mat á hagkvæmni þess að setja upp varmadælukerfi til hitunar á rafkynntu íbúðarhúsnæði (með lögheimilisskráningu), þar sem vilji væri til uppsetningar varmadælu, hafa ofangreindar styrkreglur nú verið samþykktar.
Vinna Hagvarma er nú langt komin og hefur þátttaka í verkefninu verið góð en rúm 63% þáðu boð um þátttöku.