Nýtt leiksvæði í landi Kross

Sveitarfélagið hyggst setja upp nýtt leiksvæði við íbúðarhverfið í landi Kross og er áætlað að framkvæmdir hefjist í byrjun sumars í kjölfar verðkönnunar í maí n.k.

Landslagshönnun svæðisins miðar að því að skapa fjölbreytt leiksvæði sem nýtist breiðum hópi notenda. Áhersla er lögð á að nýta þau náttúrulegu gæði sem svæðið býr yfir, svo sem hæðarmismun, gróður, göngustíga og að leiksvæðið falli vel að umhverfi sínu.

Leikvöllurinn er staðsettur við enda Garðavalla og við sjávarsíðuna. Á svæðinu er brekka sem nýta má undir sleða yfir vetrartímann og gefur svæðinu skemmtilegt yfirbragð.

Efla verkfræðistofa sér um hönnun leiksvæðisins og gerð verðkönnunargagna.

Verkefnastjóri framkvæmda og eigna hjá Umhverfis- og skipulagsdeild Hvalfjarðarsveitar mun annast umsjón og eftirlit með framkvæmd verksins.

Verklok eru áætluð í haust 2026.