Hvalfjarðargöng – lokanir um hvítasunnuhelgi
21. maí 2026
Tilkynning af vef Vegagerðarinnar:
Hvítasunnuhelgin er mikil ferðahelgi og því mikilvægt að ferðalangar viti af lokun Hvalfjarðarganga vegna framkvæmda við nýja lýsingu.
Lokað:
- Frá klukkan 21:30 fimmtudaginn 21. maí til klukkan 6:00 á föstudagsmorgun
- Frá klukkan 21:30 sunnudaginn 24. maí til klukkan 6:00 á mánudagsmorgun
- Frá klukkan 21:30 mánudaginn 25. maí til klukkan 6:00 á þriðjudagsmorgun
Opið:
- Aðfaranótt laugardags
- Aðfaranótt sunnudags
Framkvæmdir hafa staðið yfir í Hvalfjarðargöngum að nóttu til frá 7. apríl sl. Unnið er að endurnýjun á öllum lýsingarbúnaði ganganna sem hefur verið í notkun frá því að göngin voru opnuð árið 1998. Framkvæmdir í jarðgöngum eru flóknar og fara fram í þröngu rými og því er nauðsynlegt að loka göngunum meðan á þeim stendur.
Upphafleg verklok voru áætluð 29. maí og stefnir allt í að sú tímaáætlun muni standast.