Grindvíkingar í Hvalfjarðarsveit athugið
Hafa skal samband við leik- og grunnskólastjóra vegna beiðna um skólavist. Heimasíðu skólans með frekari upplýsingum má finna á eftirfarandi slóð Leik- og grunnskóli Hvalfjarðarsveitar (hvalfjardarsveit.is) Tekið verður á móti börnum eins og aðstæður leyfa.
Skólastjóri Heiðarskóla, Sigríður Lára Guðmundsdóttir, sigridur.gudmundsdottir@hvalfjardarsveit.is, sími 4338525.
Leikskólastjóri Skýjaborgar, Eyrún Jóna Reynisdóttir, eyrun.jona.reynisdottir@hvalfjardarsveit.is, sími 4338530.
Beiðnir um félagsráðgjöf skulu berast til félagsmálastjóra, felagsmalastjori@hvalfjardarsveit.is eða í síma 4338500.
Til afþreyingar er Grindvíkingum bent á að íþróttamiðstöðin Heiðarborg er opin öllum mánudaga til fimmtudaga frá kl. 16-21 og laugardaga kl. 10-15. Þar má finna sundlaug, líkamsræktar- og íþróttasal. Netfang Heiðarborgar er heidarborg@hvalfjardarsveit.is, sími 4338541 auk fésbókarsíðunnar Heiðarborg. Þjónustan og aðstaðan er endurgjaldslaus.
Félagsmiðstöð ungmenna er með fjölbreytta dagskrá í Heiðarskóla dagana 16., 23. og 28. nóvember nk. og er miðstig kl. 17-19 en unglingastig kl. 19:30-22:00. Fésbókarsíða Félagsmiðstöðvarinnar 301 er Facebook og frekari upplýsingar má fá á netfanginu fristund@hvalfjardarsveit.is eða í síma 4338500.
Fjölbreytt félagsstarf er jafnframt fyrir eldri borgara, 60 ára og eldri, Grindvíkingum er velkomið að mæta til þess. Opið hús fer fram í félagsheimilinu Miðgarði kl. 14 miðvikudagana 22. og 29. nóvember nk. þar sem m.a. verður jólaföndur, spilavist, prjón eða önnur handavinna og miðvikudaginn 13. desember nk. er aðventustund sem nánar verður auglýst síðar á heimasíðu sveitarfélagsins Hvalfjarðarsveit (hvalfjardarsveit.is) og fésbókarsíðu þess auk þess sem hafa má samband við umsjónaraðila, Sigrúnu í síma 6929381 og Ingibjörgu Eyju í síma 8672248. Kaffiveitingar eru alltaf í boði á opnu húsi.
Vatnsleikfimi fer fram með leiðbeinanda í Heiðarborg kl. 10:30-11:10 alla þriðjudaga og fimmtudaga fram til 14. desember nk. auk þess sem unnt er að kaupa hádegismat í Heiðarskóla að vatnsleikfimi lokinni, skráning á skrifstofu Hvalfjarðarsveitar í síma 4338500 eða á netfanginu hvalfjardarsveit@hvalfjardarsveit.is
Að auki er bent á fésbókarsíðu Ungmenna- og íþróttafélags Hvalfjarðarsveitar https://www.facebook.com/profile.php?id=100054233931461 en félagið starfrækir um þessar mundir íþróttaskóla fyrir yngstu kynslóðina.
Hvalfjarðarsveit býður og hvetur Grindvíkinga í sveitarfélaginu til þess að nýta ofangreinda þjónustu og aðstöðu um leið og þeim eru sendar hlýjar kveðjur vegna þeirrar erfiðu stöðu sem Grindvíkingar standa frammi fyrir.