Fara í efni
Hafnarfjall
9 SSE 7 m/s
Akrafjall
10 SE 6 m/s
Þyrill
9 ESE 7 m/s

Breytingar á félagsþjónustu og barnavernd á tímum Covid-19

Til að auka aðgengi íbúa Akraness og Hvalfjarðarsveitar að starfsfólki félagsþjónustu og barnaverndar á tímum COVID-19 þá viljum við upplýsa um eftirfarandi: Hægt er að ná í starfsmenn á símatímum eða með því að senda tölvupóst. Símatímar starfsmanna eru í gegnum skiptiborð Akraneskaupstaðar í síma 433-1000.

  • Símatímar félagsþjónustu eru: mánu- og fimmtudaga milli kl. 11-12. Netfangið er: velferd@akranes.is
  • Símatímar barnaverndar eru: þriðju- og miðvikudaga á milli kl. 11-12. Netfangið er: barnavernd@akranes.is
  • Ef um neyðartilvik er að ræða utan dagvinnutíma eða um helgar, er alltaf hægt að ná sambandi við starfsmann barnaverndar á bakvakt í gegnum neyðarnúmerið 112.

Mikilvægt er að samfélagið standi saman á þessum fordæmalausum tímum og fylgist vel með nærumhverfi sínu. Vegna einangrunar skapar Covid-19 hættu fyrir brotaþola heimilisofbeldis og fyrir börn í erfiðum heimilisaðstæðum. Íbúar eru hvattir til að hafa samband við félagsráðgjafa vakni grunur um slíkar aðstæður. Hjálpumst að við að hjálpa öðrum.