Umhverfis- skipulags- og náttúruverndarnefnd 2013-2022

„Um er að ræða tillögu á breytingu Aðalskipulags Hvalfjarðarsveitar 2008-2020 skv. 1.mgr. 36. gr. skipulagslaga nr. 123/2010. Breytingin felst í að hluti (37 ha.) opins svæðis til sérstakra nota við bæinn Dragháls verði breytt í landbúnaðarsvæði.
Aðalskipulagsbreytingar falla undir lög um umhverfismat áætlana nr. 105/2006 og því fylgir breytingartillögunni umhverfisskýrsla.
Aðalskipulag Hvalfjarðarsveitar 2008-2020 hefur verið auglýst með vísan til skipulagslaga nr. 123/2010, sbr. einnig lög um umhverfisáhrif.
Í samræmi við framangreinda breytingartillögu liggur tillaga að gerð deiliskipulags einnig fyrir.

Erindi málshefjanda, sem er eigandi jarðarinnar, til sveitarfélagsins er tvískipt.
Þannig er annars vegar verið um að ræða tillögu um breytingu á gildandi aðalskipulagi þess efnis að breyta landnotkunarflokki hluta svæðis sem nú er skilgreint sem opið svæði til sérstakra nota (svæði O27 á aðalskipulagsuppdrætti) í landbúnaðarsvæði.
Hins vegar hafi málshefjandi gert tillögu að deiliskipulagi á hluta jarðarinnar sem samræmist aðalskipulagsbreytingartillögunni.
Í efni beggja tillagna kemur fram að þær séu gerðar vegna óleyfisframkvæmdar, þ.e. vatnsaflvirkjunar sem þegar hefur verið reist í Draghálsá án lögboðinna leyfa.
Í ljósi þess að þannig er kveðið á um í báðum tillögum telur USN nefndin að hafna verði þeim báðum þar sem að sveitarfélagið geti ekki samþykkt skipulagsbreytingar sem gangi út á það að festa umrædda framkvæmd í sessi.
Þannig væri hinu lögboðna ferli snúið við en slík framvinda mála myndi ganga gegn ákvæðum ýmissa laga er varði skipulags- og byggingarmál sem og umhverfis- og náttúruvernd.
Þá telur nefndin að við afgreiðslu málsins verði ekki litið framhjá þeim neikvæðu umsögnum sem bárust um tillögurnar frá lögboðnum umsagnaraðilum.

USN nefndin leggur til við sveitarstjórn að framkomnum tillögum verði báðum hafnað.
Þá leggur nefndin jafnframt til að skipulagsfulltrúa verði falið að tilkynna framkvæmdina til Skipulagsstofnunar til ákvörðunar dagsekta vegna brota á lögum um mat á umhverfisáhrifum nr. 106/2000, sbr. 2. mgr. 18. gr. a.“

USN nefnd leggur til við sveitarstjórn að heimila tilraunavinnslu efnis allt að 20000 m3 á 0.7 hektara á svæði í landi Skorholts við hlið eldri námu í landi Bakka.
Jafnframt er erindinu vísað í vinnu við endurskoðun aðalskipulags.

USN nefnd leggur til við sveitarstjórn að grenndarkynna byggingarleyfi fyrir aðliggjandi lóðarhöfum á Akravöllum 12 og 14, Ásvöllum 10 og 14, og Krossvöllum 3, samkvæmt 2 mgr. 43. gr. skipulagslaga nr. 123/2010.

USN nefnd leggur til við sveitarstjórn að samþykkja stofnun tveggja lóð úr landi Skipanes L133793.

Lagt fram.

USN nefnd samþykkir breytingar á erindisbréfi.

Nefndin tekur jákvætt í erindið og samþykkir að vísa erindinu í vinnu við endurskoðun aðalskipulags Hvalfjarðarsveitar 2020-2032 sem nú stendur yfir.