Öldungaráð

Í september 2025 samþykkti sveitarstjórn að semja við Guðmundu Ólafsdóttur um verkefnastjórn um mótun heildarsýnar fyrir Heiðarborg sem Samfélagsmiðstöð. Ráðgjafi hefur nú skilað inn samantekt og tillögum að nýtingu mannvirkja Heiðarborgar, sem er byggð á minnisblöðum og gögnum sem aflað var í ferlinu. Gögnum var aflað með íbúakönnun, fundum með hagsmunaðilum, nefndum, ráðum og sveitarstjórn. Skýr rauður þráður er að Heiðarborg verði miðja samfélagsins í Hvalfjarðarsveit, samkomustaður fyrir unga sem aldna.



Sveitastjórn vísaði málinu til kynningar til Velferðar- og fræðslunefnd.



Á 9. fundi Velferðar- og fræðslunefndar var eftirfarandi bókað: "Velferðar- og fræðslunefnd tekur undir og leggur áherslu á að Heiðarborg verði miðja samfélagsins í Hvalfjarðarsveit og að þar verði byggður upp íþrótta-/hreyfisalur með fjölbreyttri notkun og gildi fyrir ólíka aldurshópa. Í samantektinni er hreyfing og lýðheilsa skilgreind sem kjarnaþjónusta og lagt til að efla aðstöðu með skipulögðum tímum og betri nýtingu rýma".



Velferðar- og fræðslunefnd vísaði kynningu á niðurstöðum ráðgjafa til öldungaráðs.

Erindisbréf um sameiginlegt móttöku- og matsteymi Hvalfjarðarsveitar, Hjúkrunarheimilisins Höfða og HVE til kynningar.