Menningar- og markaðsnefnd

62. fundur 04. febrúar 2026 kl. 16:30 - 18:20 í stjórnsýsluhúsinu Innrimel 3

Nefndarmenn

Birkir Snær Guðlaugsson formaður
Ásdís Björg Björgvinsdóttir ritari

Starfsmenn

Andrea Ýr Arnarsdóttir embættismaður

Fundargerð ritaði: Andrea Ýr Arnarsdóttir oddviti

Dagskrá

Guðjón Þór Grétarssson boðaði forföll.
Anna Guðrún Alexandersdóttir, verkefnastjóri Velferðar- og fræðsludeildar sat fundinn.

1.Hvalfjarðardagar 2026

2511038

Verkefnastjórar Hvalfjarðardaga 2025, Valdimar Ingi Brynjarsson og Hjörvar Gunnarsson komu undir þessum lið. Nefndin þakkar þeim fyrir komuna á fundinn.

Hvalfjarðardagar fara fram þriðju helgina í ágúst, 14 til 16 ágúst 2026. Umræður um skipulag og framkvæmd Hvalfjarðardaga 2026 fóru fram.

Velferðar- og fræðsludeild falið að vinna málið áfram.

2.Þjóðhátíðardagur - 17 júní 2026

2601020

Menningar- og markaðsnefnd leggur til við sveitarstjórn að gengið verði til samnings við Tónlistarfélag Hvalfjarðarsveitar um skipulagningu og framkvæmd hátíðarhaldanna á þjóðhátíðardaginn 17. júní 2026.

3.Markaðs- og kynningarátak í Hvalfjarðarsveit

1905042

Umræður fóru fram um samfélagsmiðlaherferð. Verkefnastjóra Velferðar- og fræðsludeildar falið að vinna málið áfram.

4.Viðburðir í Hvalfjarðarsveit 2026.

2601038

Skógræktarfélag Skilmannahrepps hefur tekið að sér að skipuleggja og halda utan um páskaeggjaleit í Álfholtsskógi páskana 2026 líkt og farið hefur fram síðustu ár.

Fundi slitið - kl. 18:20.