Menningar- og markaðsnefnd

Menningar- og markaðsnefnd óskaði eftir samstarfi við Bjarteyjarsand um viðburðarhald á haustmánuðum. Í kjölfarið var ákveðið að halda viðburð í nóvember er kallast “Fögnum vetri!". Um verður að ræða notalega kvöldstund á Bjarteyjarsandi þar sem boðið verður upp á bragðmikla vetrarsúpu og brauð ásamt kaffi/te/kakó. Gunnar J. Straumland og Sigurbjörg Friðriksdóttir ljóðskáld í Hvalfjarðarsveit lesa upp úr ljóðabókum sínum. Að loknum ljóðalestri fara fram tónleikar með tónlistarkonunni Lay Low.
Formanni falið að vinna málið áfram í samstarfi við forsvarsmenn Bjarteyjarsands út frá umræðum á fundi. Oddvita falið að klára auglýsingu fyrir viðburðinn í samstarfi við forsvarsmenn Bjarteyjarsands.
Menningar- og markaðsnefnd hvetur öll til að mæta.

Menningar- og markaðsnefnd samþykkir að halda jólagleði á aðventunni. Formanni falið að vinna málið áfram.

Menningar- og markaðsnefnd samþykkir uppsetningu og útlit á fimmta sögu- og merkisstaða skiltinu með áorðnum breytingum. Frístunda- og menningarfulltrúa falið að vinna málið áfram.

Umræður um sjötta skiltið. Formanni og frístunda- og menningarfulltrúa falið að vinna málið áfram.

Menningar- og markaðsnefnd samþykkir að skoða uppsetningu á áningarstöðum við sögu- og merkisstaða skiltin. Frístunda- og menningarfulltrúa falið að vinna málið áfram.

Menningar- og markaðsnefnd felur oddvita að vinna áfram að korti sem sýnir staðsetningu skiltanna, út frá umræðum á fundi.

Menningar- og markaðsnefnd leggur til að staðsetning skiltanna verði komið inn í kortasjá á heimasíðu Hvalfjarðarsveitar. Formanni og frístunda- og menningarfulltrúi falið að vinna málið áfram.

Umræður um afhjúpun á sögu- og merkisstaða skilti við Hléseyjarveg. Frístunda- og menningarfulltrúa falið að vinna málið áfram.

Lagt fram til kynningar.