Menningar- og markaðsnefnd

Rætt um undirbúning fyrir tökur á myndböndum. Gert er ráð fyrir að tökur verði seinni partinn í næstu viku.
Fjörutíu tillögur að slagorði bárust frá átta aðilum. Nefndin var sammála um að slagorðið, „Þar sem lífið er ljúft" félli best að sveitarfélaginu og tilganginum með slagorðinu. Nefndin þakkar öllum sem sendu inn tillögur, valið var mjög erfitt þar sem mörg slagorð voru mjög góð en í mörgum tilfellum líktust þau oft slagorðum annarra sveitarfélaga eða félagasamtaka.

Borist hefur staðfesting á því að Styrktarsjóður EBÍ hafi veitt 600 þúsund kr styrk til verkefnisins. Nefndin þakkar stuðninginn og felur frístunda- og menningarfulltrúa að senda þakkarbréf til sjóðsins.
Farið var yfir næstu skref í vinnu við verkefnið sem m.a. er að vinna texta og láta þýða hann yfir á ensku.
Rætt var um verkefnið Ferðaleið um Hvalfjörð og Akranes.