Mannvirkja- og framkvæmdanefnd

Fundarmenn fóru í vettvangsskoðun í íþróttamiðstöðina Heiðarborg og kynntu sér stöðu framkvæmda, sem nú eru á lokametrunum. Áætlað er að vígsla íþróttamiðstöðvarinnar fari fram 3. október 2026.

Farið var yfir stöðu útboðs vegna byggingar leikskólans Skýjaborgar. Útboðsgögn voru afhent 1. september og fyrirspurnarfrestur rennur út 27. september. Tilboð verða opnuð 6. október 2026 kl. 15:00. Áætluð verklok eru 30. apríl 2028.

Gatnaframkvæmdum í Melahverfi III er lokið. Lokið hefur verið við malbikun gatna og stíga ásamt uppsetningu lýsingar og lagningu allra veitulagna. Framkvæmdin var samstarfsverkefni Hvalfjarðarsveitar, Veitna og RARIK. EFLA annaðist aðalhönnun verksins og Borgarverk ehf. var aðalverktaki.

Mannvirkja- og framkvæmdanefnd leggur til við sveitarstjórn að framkvæmdir við leiksvæðið í Krosslandi hefjist sem fyrst. Fyrir liggur tilboð frá Fagurverki ehf. í framkvæmd verksins sem er umfram fyrirliggjandi framkvæmdaáætlun.
Nefndin óskar því eftir viðauka við fjárhagsáætlun að fjárhæð 2.000.000 kr. Jafnframt leggur nefndin til að verkefnastjóra framkvæmda og eigna verði falið að ganga frá verksamningi við Fagurverk ehf.
Ofangreindu er vísað til staðfestingar í sveitarstjórn.