Mannvirkja- og framkvæmdanefnd

Formaður Mannvirkja- og framkvæmdanefndar fór yfir erindisbréf nefndarinnar. Nefndin leggur til að halda fundi á þriðjudegi í þriðju viku hvers mánaðar kl. 15:30 á skrifstofu Hvalfjarðarsveitar, frestur til að skila inn erindum til nefndarinnar er kl. 16 á miðvikudegi fyrir fund. Mannvirkja- og framkvæmdanefnd kýs Vigni Má Sigurjónsson sem ritara nefndarinnar.

Farið yfir verkstöðu framkvæmda íþróttahússins við Heiðarborg.

Mannvirkja- og framkvæmdanefnd hefur farið yfir framlögð hönnunar- og útboðsgögn fyrir nýjan leikskóla. Nefndin samþykkir fyrir sitt leyti framlögð útboðsgögn eins og þau liggja fyrir frá hönnuðum og vísar málinu til sveitarstjórnar til endanlegrar ákvörðunar um framhald verkefnisins og næstu skref.

Framkvæmdum miðar vel og eru þær nú á lokastigi. Lokið hefur verið við lagningu allra veitukerfa og frágang burðarlags (mulnings) undir malbik. Samkvæmt verkáætlun verktaka er ráðgert að leggja malbik fimmtudaginn 2. júlí nk. Að því loknu verður unnið við uppsetningu kantsteina, frágang götulýsingar og annan lokafrágang framkvæmdasvæðisins.

Verkstaða framkvæmda kynnt.