Mannvirkja- og framkvæmdanefnd
Dagskrá
1.Íþróttahús - undirbúningur framkvæmda.
2001042
Kynning á stöðu verkefnisins.
Unnið er að lokafrágangi á útboðs- og verklýsingu fyrir byggingu íþróttahússins, áætlað er að verkefnið verði boðið út í byrjun árs 2024.
2.Leikskólahúsnæði - Skýjaborg
2202016
Framlögð drög að útboðs- og verkskilmálum vegna arkitekta- og landslagshönnunar á nýjum leikskóla í Melahverfi.
Lagt fram til kynningar.
3.Varmadælur í Hvalfjarðarsveit.
2202005
Beiðni um styrk vegna uppsetningar á varmadælu.
Mannvirkja- og framkvæmdanefnd hafnar erindinu á þeim forsendum að reglur um styrki vegna varmadælna í Hvalfjarðarsveit tóku gildi 10.05.2022 og uppsetning varmadælunnar var fyrir þann tíma samkv. umsókn eiganda.
4.Afnot beitarlands í eigu Hvalfjarðarsveitar.
2311008
Erindi frá Hestamannafélaginu Dreyra.
Í gildandi aðalskipulagi Hvalfjarðarsveitar er kveðið á um að á meðan þynningarsvæðið við Grundartanga er gildandi er að jafnaði ekki heimil skipulögð byggð eða ástundun hefðbundins búskapar, heynytja, akuryrkja eða beit á túnum nema sýnt sé fram á að mengun í jarðvegi og grunnvatni sé undir viðmiðunarmörkum. Verkefnastjóra framkvæmda og eigna falið að afla frekari gagna.
5.Viðhalds- og framkvæmdaáætlun 2023-2026
2209041
Viðhalds- og framkvæmdaráætlun 2023-2026.
Verkefnastjóri framkvæmda og eigna fór yfir stöðu verkefna.
Fundi slitið - kl. 16:30.