Fara í efni
Hafnarfjall
6 NE 2 m/s
Akrafjall
9 NE 4 m/s
Þyrill
7 N 1 m/s

Fræðslunefnd

9. fundur 24. apríl 2019 kl. 16:30 - 18:15 í stjórnsýsluhúsinu Innrimel 3
Nefndarmenn
  • Dagný Hauksdóttir formaður
  • Brynjólfur Sæmundsson ritari
  • Elín Ósk Gunnarsdóttir aðalmaður
  • Helga Jóna Björgvinsdóttir aðalmaður
  • Sigurbjörg Friðriksdóttir áheyrnafulltrúi
  • Ingibjörg Unnur Sigmundsdóttir áheyrnafulltrúi
  • Jónella Sigurjónsdóttir áheyrnafulltrúi
Starfsmenn
  • Eyrún Jóna Reynisdóttir embættismaður
  • Sigríður Lára Guðmundsdóttir embættismaður
Fundargerð ritaði: Ása Líndal Hinriksdóttir Félagsmála - og frístundafulltrúi
Dagskrá
Bára Tómasdóttir boðaði forföll og Berglind Jóhannesdóttir kemur í hennar stað.

1.Tímamagn í Heiðarskóla 2019-2020

1902032

Tímamagn í Heiðarskóla

Nefndin leggur til við sveitarstjórn að fallist verði á óskir skólastjóra að heildarkennslustundaúthlutun fyrir skólaárið 2019-2020 verði 298,3 kennslustundir. Miðað við fyrirliggjandi gögn er ljóst að sérstakar aðstæður eru uppi í Heiðarskóla. Gert er ráð fyrir 79 nemendum sem er umtalsverð fækkun á milli skólaára sem leiðir til fækkunar stöðugilda við kennslu. Kennslustundum er að fækka um 31 eða um 1,2 stöðugildi á milli núverandi skólaárs og þess næsta. Nefndin leggur til að starfsmannavelta verði áfram nýtt til að jafna enn frekar stöðugildi við kennslu í samræmi við nemendafjölda miðað við stuðulinn 3,2 sbr. samþykkt sveitarstjórnar. Það hefur í för með sér að umfram kennslustundir verða 23 næsta skólaár sem er um 0,89 stöðugildi. Ef stöður kennara losna á skólaárinu verður ekki ráðið í þær sem þessu nemur. Nefndin gerir það að tillögu sinni að á meðan ekki eru frekari breytingar í starfsmannahaldi þá verði þessar umframstundir nýttar til að draga stórlega úr forfallakennslu og yfirvinnu kennara ásamt því að mæta ófyrirséðum kostnaði vegna sérstuðnings við nemendur.

2.Útboð - Skólaakstur

1901173

Til umsagnar


Fulltrúi nefndarinnar í starfshópi um skólaakstursútboð fór yfir útboðsdrögin. Félagsmála- og frístundafulltrúa er farið að koma þeim ábendingum sem fram komu á fundinum til sveitarstjóra.

3.Erindi frá Heiðarskóla- Trúnaðarmál

1901222

Beiðni um leyfi til að ráða í 80% stuðningsfulltrúa í Heiðarskóla 2019-2020


Berglind Jóhannesdóttir vék af fundi ásamt áheyrnarfulltrúum.
Afgreiðslu erindis frestað þar til frekari upplýsingar liggja fyrir.

4.Umsögn um frumvarp til laga um menntun, hæfni og ráðningu kennara og skólastjórnenda við leikskóla, grunnskóla og framhaldsskóla, 801. mál.

1904023

Frumvarp til umsagnar
Lagt fram.

5.Umsögn um frumvarp til laga um lýðskóla, 798. mál.

1904025

Frumvarp til umsagnar
Lagt fram.

6.Samkomulag um rekstur Tónlistarskóla Akraness(TOSKA)

1411026

Drög til umsagnar
Lagt fram til kynningar.
Nefndin gerir ekki athugasemdir við drög að samkomulagi um rekstur TOSKA.

Fundi slitið - kl. 18:15.

Efni síðunnar