Fræðslu- og skólanefnd 2014-2018

Farið yfir verklagsreglur leikskóla. Þær samþykktar með smávægilegum breytingum og félagsmálastjóra falið að leiðrétta reglurnar samkvæmt því. Verklagsreglum leikskóla vísað áfram til sveitarstjórnar.

Farið yfir erindi frá skólastjóra varðandi mikilvægi viðhalds á spjaldtölvum skólans. Afgreiðslu frestað og nánari skoðun og greining fyrirhuguð.

Farið yfir erindi frá skólastjóra varðandi langvarandi veikinda starfsmanna á Skýjaborg og aukins kostnaðar vegna þess. Afgreiðslu frestað og skoðað nánar seinni hluta árs.

Skólastjóri kynnti erindi sitt er varðar ráðningu verkefnastjóra Skýjaborgar í 60% stöðu frá 1.september til loka júní 2017 og óskar eftir auknu fjármagni á núverandi fjárhagsári vegna þess. Nefndin tekur jákvætt í erindið og leggur til við sveitarstjórn að veita fjármagn í verkefnið með það að leiðarljósi að efla faglegt starf í leikskólanum.

Farið yfir erindi frá skólastjóra varðandi aukna þörf á sérfræðiþjónustu. Nefndin óskar eftir nánari upplýsingum frá skólastjóra á hvers kyns þjónustu um ræðir, magn hennar og nánar um áætlaðan kostnað.

Viðhorfskönnun lögð fram. Frekari vinna vegna niðurstaðna kannanna áætluð.

Lagt fram bréf sem barst frá Sambandi Íslenskra sveitarfélaga varðandi kostnað vegna námsgagna. Fulltrúi foreldrafélagsins lýsir ánægju sinni með fyrirkomulag skólans í þeim málum.

Fundargerð foreldrafélags leik- og grunnskóla lögð fram.

Umhverfis- og skipulagsfulltrúi upplýsti nefndina um stöðu mála varðandi vinnuskóla 2016.

Skólastjóri sagði í stuttu máli frá samantekt úr niðurstöðum starfsmannasamtala.