Fara í efni
Hafnarfjall
7 SE 2 m/s
Akrafjall
7 SE 2 m/s
Þyrill
6 E 2 m/s

Umhverfis- og náttúruverndarnefnd 2006-2011

59. fundur 01. mars 2011 kl. 16:00 - 18:00

Andrea Anna Guðjónsdóttir, Gauti Halldórsson, Baldvin Björnsson, Sigurlín Gunnarsdóttir og Þórdís Þórisdóttir sem ritar fundargerð. Auk þeirra situr Skúli Lýðsson skipulags- og byggingarfulltrúi fund. Helgi Helgason heilbrigðisfulltrúi Vesturlandsumdæmis situr fund undir 1. lið.


Formaður setur fund og býður fundarmenn velkomn

1. Helgi Helgason heilbrigðisfulltrúi Vesturlandsumdæmis


Umræður um veikindi á búum sem upp hafa komið í vetur og verklagsreglur er veikindi koma upp. Fyrirspurnir um eftirlit með vatnsbólum og sýnatöku í sveitarfélaginu og eftirlit með leikvöllum. Í máli Helga kemur fram að starfsleyfi Stjörnugríss á Melum verði auglýst frá og með 2. mars 2011 og er auglýsingatími 8 vikur.


Sigurlín Gunnarsdóttir kemur á fund 16.25.


Umræður um dioxínum mengun frá verksmiðjum. Drögum að sýnatökuáæltun Umhverfisstofnunar vegna vöktunar á díoxínum í jarðvegi/sjávarseti dreift til fundarmanna.


2. Hreinsunarátak í Hvalfjarðarsveit og verkfundur með Íslenska gámafélaginu.


Skipulags- og byggingarfulltrúi segir frá verkfundi með Íslenska Gámafélaginu. Gámafélagið ætlar að skila skýrslu um árangur á sorpflokkun í sveitarfélaginu.


Fyrirhugað árlegt hreinsunarátak í sveitarfélaginu. Umræður um breytingar á fyrirkomulaginu. Nefndin leggur áherslu á að breytingarnar verði vel kynntar fyrir íbúum áður en átakið hefst.


Moltugerðin er ekki hafin í sveitarfélaginu heldur er jarðgert í Reykjavík. Hægt er að bjóða upp á að komið verði með moltu á móttökusvæði Gámu þar til hægt verður að moltugera í sveitarfélaginu.


Verið er að skoða með að bjóða upp á sérstaka poka fyrir þá sem fylla grænu tunnuna örar en hún er losuð.

 

3. Dagur Umhverfisins 25. apríl og kynning á Grænum apríl.


Grænn apríl er umhverfisverkefni sem hrint er í framkvæmd til að vekja athygli á umhverfisvernd og verkefnum í þágu umhverfisins. Nefndin hvetur sveitarfélagið til að gerast þátttakandi í verkefninu og kynna vel þau umhverfisverkefni sem sveitarfélagið, stofnanir og einstaklingar eru þátttakendur í.


Dagur umhverfisins. Nefndin vill leggja skólum sveitarfélagsins lið á þessum degi og hvetur sveitarstjórn til að veita skólum styrki til að efla umhverfisfræðslu og starf í skólunum.


Ritari mun athuga hjá Íslenska Gámafélaginu hvort vilji sé til að aðstoða skólana við að farga því rusli sem nemendur og kennarar tína á svæðinu í tilefni af degi umhverfisins.


4. Ný mannvirkjalög


Gildistaka nýrra mannvirkjalaga. Lagt fram til kynningar.


5. Heimsókn í Norðurál


Lagt fram til kynningar.


6. Ársfundur Umhverfisstofnunar 25. mars.


Lagt fram til kynningar. Skipulags- og byggingarfulltrúi mætir fyrir hönd nefndarinnar.

 


Fleira ekki gert og fundi slitið kl. 17:45


Næsti fundur áætlaður 29. mars 2011 eða fyrr.


Fundargerðin lesin upp og samþykkt.

Efni síðunnar