Sveitarstjórn
Björgvin Helgason oddviti, Arnheiður Hjörleifsdóttir varaoddviti, Hjördís Stefánsdóttir
ritari, Jónella Sigurjónsdóttir vararitari, Ása Helgadóttir aðalmaður, Stefán Ármannsson
aðalmaður og Daníel Ottesen aðalmaður.
Skúli Þórðarson sveitarstjóri, ritaði fundargerð.
Björgvin Helgason oddviti setti fundinn og bauð sveitarstjórnarmenn velkomna til
fundar og var síðan gengið til áður boðaðrar dagskrár
1. 1503007F - Sveitarstjórn - 194
Fundargerð framlögð.
2. 1504002F - Umhverfis- skipulags- og náttúruverndarnefnd - 53
Fundargerð framlögð.
2.1. 1412009 - Leyfi til efnistöku í landi Kjalardals.
Borist hefur erindi frá Bjarka B. Magnússyni varðandi efnistöku í landi
Kjalardals.
Sótt er um framkvæmdaleyfi fyrir efnistöku allt að 30.000 rm. á rúmlega
4000 fm. svæði við núverandi námu, til 12 mánaða.
USN nefnd leggur til við sveitarstjórn að veitt verði framkvæmdaleyfi
fyrir efnistökunni. Ekki þarf að grenndarkynna framkvæmdarleyfið þar
sem framkvæmdin
er í samræmi við aðalskipulag sbr. 13. gr. skipulagslaga 123/2010.
Skipulagsfulltrúa falið að vinna málið áfram.
Tillagan borin undir atkvæði og samþykkt með 7 atkvæðum.
2.2. 1407016 - Bjarkarás 7 - Breyta skráningu úr sumarhúsi í
íbúðarhús
Sótt er um að breyta 63.7 fm. sumarhúsi í íbúðarhús. Samkvæmt gildandi
byggingarreglugerð getur húsið talist íbúðarhús þegar byggð hefur verið
geymsla.
Málið var áður til umfjöllunar í USN nefnd 14. júli 2014 þar sem gerð
var eftirfarandi bókun. "USN nefnd leggur til að fresta málinu þar til
deiliskipulag Bjarkaráss hefur öðlast gildi. Deiliskipulag Bjarkaráss tók
gildi 24. mars 2015."
USN nefnd leggur til við sveitarstjórn að heimila breytingu á
skráningu Bjarkaráss 7 úr sumarhúsi í íbúðarhús þegar byggð hefur
verið geymsla, enda er það í fullu samræmi við gildandi
byggingarreglugerð.
Tillagan borin undir atkvæði og samþykkt með 7 atkvæðum.
2.3. 1409023 - Breyting deiliskipulags lóða á stóriðnaðarsvæði við
Grundartanga, Norðurál
Erindi hefur borist frá Norðurál hf. dags. 5. mars 2015 um skipulagsmál
vegna aukningar framleiðslu Norðuráls á Grundartanga. Málið var
tekið fyrir á 52. fundi USN nefndar 11. mars 2015 og gerð eftirfarandi
bókun: "Málinu frestað og umhverfis- og
skipulagsfulltrúa falið að afla frekari gagna"
USN nefnd telur fyrirhugaða framleiðsluaukningu Norðuráls á
Grundartanga kalla á breytingu á gildandi deiliskipulagi sbr. 1 mgr.
43. gr. skipulagslaga nr. 123/2010. Skipulagsfulltrúa falið að fylgja
málinu eftir.
Oddviti bar upp eftirfarandi tillögu:
"Sveitarstjórn Hvalfjarðarsveitar tekur undir og staðfestir bókun
nefndarinnar þess efnis að fyrirhuguð framleiðsluaukning kalli á
breytingu á gildandi deiliskipulagi sbr. 1 mgr. 43. gr. skipulagslaga nr.
123/2010."
Tillagan borin undir atkvæði og samþykkt með 7 atkvæðum.
2.4. 1503018 - Mýrarholtsvegur 2
Á 52. fundi USN nefndar var gerð eftirfarandi bókun "USN nefnd fer
fram á að farið verði í óverulega breytingu á deiliskipulagi og að
jafnframt fari fram grenndarkynning fyrir Faxaflóahöfnum og Elkem
vegna þess að fyrirhuguð bygging fer út fyrir
byggingareit.
Skipulagsfulltrúa falið að vinna málið áfram."
USN nefnd leggur til við sveitarstjórn að heimila óverulega breytingu
á deiliskipulagi lóðarinnar að undangenginni grenndarkynningu fyrir
Faxaflóahöfnum og Elkem.
Tillagan borin undir atkvæði og samþykkt með 7 atkvæðum.
2.5. 1504005 - Miðsandur Kampur - Hvalstöð - Mhl.16
Sótt er um byggingarleyfi fyrir viðbyggingu á tómstundarhúsi mhl. 16 á
Miðsandi Kampi,LNR. 133503. Bygging er 100.22 fm. og verður eftir
stækkun 168,1 fm. Stækkun er því 65,9 fm. og verður húsinu breytt í
framhaldi í starfsmannahús.
USN leggur til við sveitarstjórn að gefið verði út byggingarleyfi, sbr. 3
mgr. 44 gr. skipulagslaga nr. 123/2010.
Tillagan borin undir atkvæði og samþykkt með 7 atkvæðum.
2.6. 1503045 - Hvítanes 2 - Niðurrif - Fok á mannvirkjum
Eyðilegging á mannvirkjum á Hvítanesi 2 vegna óveðurs þann 14. mars
s.l. Byggingar ónýtar. Óskað er eftir samþykki á niðurfellingu á
matshlutum. Um er að ræða
matshluta 05+06+07+08+10+11+13+14+15+16+20+21
USN nefnd leggur til við sveitarstjórn að heimila afskráningu
mannvirkja, lnr. 133633 Hvítanes 2,
mhl.05,06,07,08,10,11,13,14,15,16,20 og 21. Byggingarfulltrúa falið
að vinna málið áfram.
Tillagan borin undir atkvæði og samþykkt með 7 atkvæðum.
2.7. 1504020 - Akrakot - Stofnun lóðar - Akrakot 1
Sótt er um að stofna íbúðarhúsalóð í landi Akrakots, lnr. 133677.
Íbúðarhúsalóðin er undir íbúðarhúsinu sem er með mhl. 02 með fastanr.
210-5095.
USN nefnd leggur til við sveitarstjórn að samþykkja stofnun
íbúðarhúsalóðar.
Tillagan borin undir atkvæði og samþykkt með 7 atkvæðum.
2.8. 1504021 - Vallarnesland C - Gróðurhús
Sótt er um byggingarleyfi fyrir 30 fm. gróðurhúsi við hlið sumarhúss sem
er á Vallarneslandi C.
USN nefnd leggur til við sveitarstjórn að veita byggingarleyfi. sbr. 3
mgr. 4. gr. skipulagslaga nr. 123/2010.
Tillagan borin undir atkvæði samþykkt með 7 atkvæðum.
3. 1503006F - Fræðslu- og skólanefnd - 117
Fundargerð framlögð.
Oddviti bar upp eftirfarandi tillögu vegna 4. liðar fundargerðarinnar:
"Sveitarstjórn Hvalfjarðarsveitar staðfestir samþykkt fræðslu- og
skólanefndar á ósk um leikskólavist barns utan lögheimilissveitarfélags og
samþykkir, með vísan til rökstuðnings nefndarinnar, að hafna erindinu."
Tillagan borin undir atkvæði og samþykkt með 7 atkvæðum.
4. 1410018 - Hundasamþykkt.
Áður frestað.
Oddviti lagði fram eftirfarandi tillögu:
"Sveitarstjórn samþykkir að fresta afgreiðslu samþykktar um hundahald í
Hvalfjarðarsveit og felur sveitarstjóra að gera á henni leiðréttingar í
samræmi við framkomnar ábendingar."
Tillagan borin undir atkvæði og samþykkt með 7 atkvæðum.
5. 1504028 - Styrktarsjóður 2015.
Fyrri úthlutun 2015.
Oddviti lagði fram eftirfarandi tillögu:
"Sveitarstjórn samþykkir að veita eftirtöldum styrk úr Styrktarsjóði
Hvalfjarðarsveitar:
Nýsköpunarkeppni grunnskólanemenda kr. 40.000-
Skógræktarfélagi Skilmannahrepps v/ grisjunar og stígagerðar kr. 200.000-
Nemendafélagi Heiðarskóla v/ ferðar kr. 225.000-
Félagi slökkviliðsmanna Slökkviliðs Akraness og Hvalfjarðarsveitar v/ kynnisferðar kr. 100.000-
Alexöndru Chernyshovu v/ sögu- og tónleikadagskrár kr. 75.000-"
Úthlutun alls kr. 640.000-"
Tillagan borin undir atkvæði og samþykkt með 7 atkvæðum.
6. 1504029 - Beiðni um afnot af Fannahlíð án endurgjalds, vegna
kaffisamsætis fyrir eldri borgara á Uppstigningardag.
Erindi frá kvenfélaginu Lilju, dagsett 21. apríl 2015.
HS. tók til máls og lýsti yfir vanhæfi sínu við afgreiðslu málsins þar sem
hún gegnir formennsku í kvenfélaginu og vék Hjördís af fundi.
AH. tók til máls og benti á hún væri félagsmaður í kvenfélaginu. Áður
hefur sveitarstjórn úrskurðað um hæfi AH í sambærilegu tilviki.
Oddviti lagði fram eftirfarandi tillögu:
"Sveitarstjórn Hvalfjarðarsveitar samþykkir að heimila Kvenfélaginu Lilju
afnot af Félagsheimilinu Fannahlíð án endurgjalds þann 14. maí nk.,
uppstigningardag v/ kaffisamsætis með þeim fyrirvara að húsið sé laust til
afnota þennan dag."
Tillagan borin undir atkvæði og samþykkt með 6 atkvæðum.
HS tók sæti á fundinum að lokinni umræðu og afgreiðslu.
7. 1504026 - Aðalfundarboð 2015, Hitaveitufélag Hvalfjarðar sf.
Tilnefning fulltrúa á aðalfundinn.
Oddviti lagði fram eftirfarandi tillögu:
"Sveitarstjórn Hvalfjarðarsveitar samþykkir að Björgvin Helgason, oddviti
fari með atkvæði Hvalfjarðarsveitar á fundinum og Stefán G. Ármannsson
til vara."
Tillagan borin undir atkvæði og samþykkt með 7 atkvæðum.
8. 1211014 - Ljósleiðari í Hvalfjarðarsveit.
Lokasvar við tilkynningunni til ESA um ljósleiðarann.
Fram lagt til kynningar bréf frá ESA, eftirlitsstofnun Evrópusambandsins,
vegna lagningar ljósleiðara.
Engar athugasemdir eru gerðar við framkvæmdina en tiltekinna
upplýsinga óskað.
9. 1504024 - 50. fundur stjórnar Höfða hjúkrunar- og dvalarheimilis.
Fundargerðin framlögð.
10. 1504025 - 131. fundur Faxaflóahafna.
Fundargerðin framlögð.
11. 1504032 - 39. fundur Vatnsveitufélags Hvalfjarðarsveitar sf.
Fundargerðin framlögð.
12. 1502013 - Skýrsla sveitarstjóra.
Skúli Þórðarson, sveitarstjóri gerði grein fyrir helstu störfum sínum frá
síðasta reglulega fundi sveitarstjórnar.
Fleira gerðist ekki. Fundargerðin upp lesin og samþykkt. Fundi slitið kl. 16:35