Fræðslu- og skólanefnd 2009-2014
Dagskrá:
1. Setning fundar.
2. Kosning varaformanns í fræðslu- og skólanefnd.
3. Formaður fer yfir fundargerð 42. fundar fræðslu- og skólanefndar dags. 6. ágúst 2009.
4. Mánaðarskýrsla skólastjóra Heiðarskóla fyrir ágúst 2009.
5. Mánaðarskýrsla skólastjóra Skýjaborgar fyrir ágúst 2009.
6. Bréf sveitarstjóra Hvalfjarðarsveitar, dags. 11. ágúst 2009, er varðar hækkun á matargjaldi í leik- og grunnskóla 2009-2010, lagt fram til kynningar.
7. Afgreiðslur sveitarstjórnar frá 12. ágúst 2009, er varða skólamál, lögð fram.
8. Önnur mál.
Fundargerð
1. Setning fundar.
• Formaður setti fundinn og bauð fundarmenn velkomna.
2. Kosning varaformanns í fræðslu- og skólanefnd.
• Tillaga formanns um Valgerði Jónu Oddsdóttur sem varaformann var
samþykkt öllum greiddum atkvæðum.
3. Formaður fer yfir fundargerð 42. fundar fræðslu- og skólanefndar dags. 6. ágúst 2009.
• Fundargerð lögð fram.
4. Mánaðarskýrsla skólastjóra Heiðarskóla fyrir ágúst 2009.
• Skólastarf hefur farið mjög vel af stað. Ekki hefur verið mikið um
veikindi hvorki á nemendum né starfsfólki þessar fyrstu vikur og allt
gengið mjög vel.
• 27. ágúst komu félagar úr ungliðahreyfingu björgunarsveitarinnar
og kynntu starf sveitarinnar fyrir unglingadeildinni. Þeir sem komu voru
öll gamlir nemendur úr Heiðarskóla
• 2. september kom Hulda Karen Danielsdóttir með fræðslu til okkar
vegna nýbúanna en hún hefur haft veg og vanda af nýbúafræðslu á svhorninu og víðar.
• 3. september var allsherjar útivistardagur, rúturnar skiluðu
krökkunum í Fannahlíð og sóttu þá aftur þangað. Allt skólastarf
þennan dag fór fram í Fannahlíðinni og nágrenni. Eldri deildin gekk á
Akrafjallið og yngri deildin vann ýmis verkefni í skóginum. Við vorum
sérlega heppin með veðrið sem var milt og þurrt og var þessi dagur
hinn skemmtilegasti. Við fundum ekki mikið af berjum en meira af
sveppum og eldaði skólastjóri villisveppasúpu á föstudeginum í
hádeginu.
• Bergrós talmeinafræðingur hefur hafið störf og kom hún föstudaginn
4. sept í sitt fyrsta skipti.
Hún mun að jafnaði verða annan hvern fimmtudag í Heiðarskóla.
• Karl Marinósson mun hitta okkur annan hvern mánudag til skrafs.
Hann hefur komið tvisvar frá byrjun skólans.
• Von er á Brynjólfi í sína fyrstu heimsókn í næstu viku.
• Valgreinar eru komnar í gang 8 tímar á viku í unglingadeildinni allri.
• Á mánudögum eru myndlist og tónlist, á þriðjudögum, íþróttir og
heimilisfræði, á miðvikudögum leiklist og kvikmyndun/ljósmyndun
og á fimmtudögum blaðamennska og hagnýt stærðfræði.
• Í dag komu 12 langþráðar nýjar tölvur í hús sem settar verða í tölvuver.
• Í næstu viku verða samræmd könnunarpróf.
10. bekkur þreytir íslensku, stærðfræði og ensku en 4. og 7. bekkir
íslensku og stærðfræði.
5. Mánaðarskýrsla skólastjóra Skýjaborgar fyrir ágúst 2009.
• Aðlögun milli deilda er lokið og hafa 9 börn fært sig af Dropanum (yngri
deild) yfir á Regnbogann (eldri deild).
• 3 ný börn hafa byrjað á Regnboganum í ágúst og september og eru
þar núna 24 börn samtímis. Ný börn á Dropanum sem hafa byrjað hjá
okkur í ágúst – september eru 9 og heildarfjöldi þar er núna 13 börn,
samtals 37 börn á leikskólanum öllum og stefnir í fjölgun frá síðasta
skólaári.
• Unnur Tedda Þorgrímsdóttir nýr starfsmaður byrjaði hjá okkur í ágúst
og einnig byrjaði Bergrós Ólafsdóttir talmeinafræðingur hjá okkur í 10%
starfi. Unnur Tedda er starfsmaður á Dropanum og Bergrós verður hjá
okkur annan hvern fimmtudag og sinnir greiningu og talkennslu barna
sem þess þurfa.
• 20. ágúst fóru nokkrir starfsmenn leikskólans á kynningu á
Staðardagskrá 21 hjá Hvalfjarðarsveit.
• Viðbragðáætlun Skýjaborgar vegna inflúensu kom út 1. september og
á að vera aðgengileg öllum á vefnum skyjaborgin.is og útprentuð á
kaffistofu starfsmanna.
• Leikskólinn hefur sótt um hjá Landvernd að verða ,,skóli á grænni
grein” en það er fyrsta skrefið til að verða Grænfánaleikskóli.
• Við erum að hefja vinnu við endurskoðun á skólanámskrá Skýjaborgar
og var starfsmannafundur í september nýttur í þá vinnu. Við munum
nota starfsdaga, starfsmannafundi og einstaklingsvinnu þ.e.
undirbúningstíma starfsfólks og stefnum á að vera með tilbúna
námsskrá í janúar. Vinnan sem við erum í núna snýr að endurmati á
núverandi námskrá, kynningu og fræðslu til starfsfólks. Umsókn okkar í
Grænfánaverkefnið mun lita okkar námskrá og umhverfisvinna koma
inn í allt starf.
6. Bréf sveitarstjóra Hvalfjarðarsveitar, dags. 11. ágúst 2009, er varðar hækkun á matargjaldi í leik- og grunnskóla 2009-2010, lagt fram til kynningar.
• Lagt fram til kynningar.
7. Afgreiðslur sveitarstjórnar frá 12. ágúst 2009, er varða skólamál, lögð fram.
• Lagt fram.
8. Önnur mál.
• Umræður urðu um námsefnakynningar í Heiðarskóla.
• Umræður um gæslu í skólarútum. Fræðslu og skólanefnd leggur til við
sveitastjórn að gerð verði tilraun með gæslu í rútu á Akrafjallsleið
vestur vegna vandamála sem þar hafa komið upp.
Fundi slitið kl 18.23
Hlynur Sigurbjörnsson
Valgerður Jóna Oddsdóttir
Lára Ottesen
Arna Arnórsdóttir
Bjarni Jónsson