Vetrinum fagnað á Bjarteyjarsandi
10. nóvember 2023
Vel heppnuð og notaleg kvöldstund fór fram á Bjarteyjarsandi í samstarfi við Menningar- og markaðsnefnd Hvalfjarðarsveitar þann 4.nóvember sl.
Boðið var upp á bragðmikla vetrarsúpu og brauð ásamt kaffi/te/kakó. Gunnar J. Straumland og Sigurbjörg Friðriksdóttir ljóðskáld í Hvalfjarðarsveit lásu upp úr ljóðabókum sínum og að því loknu steig tónlistarkonan Lay Low á svið.
Hvalfjarðarsveit þakkar öllum þeim sem mættu á viðburðinn kærlega fyrir komuna og forsvarsmönnum Bjarteyjarsands eru færðar bestu þakkir fyrir samstarfið.
