Innri-Hólmskirkja

Viðgerðir standa nú yfir við Innri-Hólmskirkju og miðar þeim ágætlega. Fyrirhugað er  að gera við steypuskemmdir og mála kirkjuna, skipta um þak og laga tréverkið í turninum. Sveitarstjórn Hvalfjarðarsveitar samþykkti nýverið að veita eina og hálfa milljón í styrk til verkefnisins en til stendur að ljúka endurbótum kirkjunnar á næsta ári þegar kirkjan verður 130 ára. 

 Það er árgangur 1949 sem fermdist í kirkjunni 1963 sem hefur haft veg og vanda af því að koma framkvæmdum af stað.  Einnig hefur sóknarnefnd kirkjunnar haldið jólabasar árlega undanfarin ár og hefur ágóði af honum allur verið settur í framkvæmdasjóð kirkjunnar.

Allir þeir sem vilja styrkja þetta málefni er bent á  söfnunarreikning vegna kirkjunnar: 0326-22-1873 og kennitala 660169-5129.