Hrútasýning Búnaðarfélagsins
09. nóvember 2020
Engin hrútasýning var haldin í ár vegna stöðunnar í þjóðfélaginu en stigun hrútanna fór fram á hverjum bæ fyrir sig og á misjöfnum tíma. Mikið virtist vera af efnilegum lambhrútum í sveitinni þetta árið og stiguðust þeir vel.
Allir þrír hrútarnir í hvíta hyrnda flokknum fengu 89 stig en síðan raðað eftir því hver var með flest stig í samanlögðu (bak, malir og læri). Hrútur frá Hrafnabjörgum í eigu Ragnheiðar og Matthíasar fékk flest stigin.
Tveir efstu í kollótta flokknum voru með 88,5 stig og næstu tveir með 86,5 stig. Hrútur frá Vestri-Leirárgörðum í eigu Marteins yngri fékk flest stigin.
Besti hrúturinn í mislita flokknum fékk 88 stig og næstu tveir voru með 87,5 stig. Allir hrútarnir eru í eigu Baldvins og Helgu í Skorholti.