Ungmennaráð Hvalfjarðarsveitar

Umræður um möguleg leikvallasvæði í sveitarfélaginu og hverskonar leiktæki. Ungmennaráð telur best að hafa leikvöll í göngufæri við íbúa í Krosslandi og hafa leikvöll við Hlíðabæ en merkja leikvöllinn við tjaldsvæðið að Hlöðum. Ungmennaráð telur að sterkur kjarni að leikvelli sé rólur, vegasalt, klifurgrind, jafnvægisslá og líka leiktæki fyrir yngri börn og fatlaða. Leggur Ungmennaráð ofangreint inn í umræðu og ákvarðanatöku um leikvallasvæði í Hvalfjarðarsveit.

Umræður um göngu- og hjólastíga í Hvalfjarðarsveit. Ungmennaráð hvetur til þess að kannað verði með lagningu göngu- og hjólastíg frá Stóra-Lambhaga inn í Melahverfi. Ástæða þess er að auðvelda gönguleið að leiksvæði sem er í Melahverfi og að strætóskýli ásamt því að gera íbúum í Melahverfi kleift að fara á milli svæða.

Ungmennaráð lýsir yfir ánægju sinni að haldið sé þing þar sem börn eru í fyrirrúmi. Kappkostað verður að finna fulltrúa frá Hvalfjarðarsveit á þingið í Hörpu þann 2. nóvember.

Frístunda- og menningafulltrúi kynnti stöðuna á innleiðingu um samþættingu þjónustu í þágu farsældar barna í Hvalfjarðarsveit.