Umhverfis- skipulags- náttúruverndar- og landbúnaðarnefnd

Boðað var til fundar með fulltrúum Vegagerðarinnar á Vesturlandi.

Framlenging samnings.

Erindi dags. 09.10.2025 frá Svani Svæari Lárussyni f.h. Hreinstiækni sem samþykkir framlengingu samnings um 1 ár þ.e. til loka árs 2026 eins og heimilt er í verksamningi Hvalfjarðarsveitar og Hreinsitækni um hreinsun rotþróa í Hvalfjarðarsveit frá 2020-2024.

Erindi frá Umhverfis- og skipulagsdeild.

Lagt er til að hafinn verði seinni hluti mælinga á námum í Hvalfjarðarsveit, og nú á þeim námum sem útaf standa varðandi skoðun allra náma í sveitarfélaginu þ.e.a.s. þær námur sem eru skv. aðalskipulagi Hvalfjarðarsveitar 2020-2032.

Erindi frá Framkvæmdasjóði ferðamanna.

Framkvæmdasjóður ferðamannastaða auglýsir eftir umsóknum um styrki fyrir árið 2026 en opnað var fyrir umsóknir 7. október sl. en umsóknarfrestur er til 4. nóvember 2025.

Sjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Í úthlutuninni fyrir árið 2026 er lögð áhersla á framkvæmdir sem stuðla að bættu öryggi ferðamanna. Gæðamat sjóðsins tekur mið af þessari áherslu og eru umsækjendur hvattir til að kynna sér nýtt gæðamatsblað sjóðsins og eyðublaðið "Áhættumat framkvæmda" sem finna má á upplýsingasíðu um umsóknir.



Sjóðnum er heimilt að fjármagna framkvæmdir er snúa að:

a) Öryggi ferðamanna.

b) Náttúruvernd, viðhaldi og uppbyggingu ferðamannastaða og ferðamannaleiða.

c) Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda. Fyrirhuguðu verkefni skal í umsókn lýst svo skilmerkilega að mögulegt sé að meta styrkhæfi þess.



Sjóðnum er ekki heimilt m.a.:

d) Að bera rekstrarkostnað af mannvirkjum og vegna náttúruverndarsvæða eða annarra ferðamannastaða.

e) Að fjármagna framkvæmdir sem eru á landsáætlun um uppbyggingu innviða til verndar náttúru og menningarsögulegum minjum.

f) Veita fjármagni til verkefna sem þegar er lokið.

Fyrirspurn um matsskyldu er í umsagnarferli í skipulagsgátt og er nr. 1268/2025.

Kynningartími er til 13. október 2025.



Í skipulagsgátt var matsskyldufyrirspurn dagsett 12. september 2025 og skýrsla um vistgerðir og fugla á efnistökusvæði við Litlu Fellsöxl dagsett 21. júlí 2025.



Borgarverk ehf. áætlar stækkun á námu í landi Litlu-Fellsaxlar sem nemur um 299.000 m3 (um 10 ha). Náman er staðsett í landi Litlu-Fellsaxlar.

Efnisvinnsla hefur farið fram á hluta svæðisins og má áætla að þegar hafi verið unnið um það bil 185.000 m3 (13 ha) af efni á svæðinu.

Áætlað er að um 10-15.000 m3 af efni séu enn til staðar í námunni og stendur til að fullvinna allt það efni sem til staðar er.

Náman hefur ekki farið í gegnum hefðbundin umhverfismatsferli.

Því nær fyrirspurn þessi til þeirrar efnisvinnslu sem áður hefur farið fram auk fyrirhugaðrar stækkunar.

Fyrirspurnin nær því til um 499.000 m3 efnistöku á um 23 ha landi.



Framkvæmdin er tilkynningarskyld til ákvörðunar um matsskyldu til Skipulagsstofnunar samkvæmt tölulið 2.02 í 1. viðauka laga um umhverfismat framkvæmda og áætlana.

Óskar Borgarverk ehf. eftir ákvörðun Skipulagsstofnunar um það hvort lýst framkvæmd sé matsskyld skv. lögum um umhverfismat framkvæmda og áætlana nr. 111/2021.



Fyrirhuguð framkvæmd fellur vel að þeirri stefnu um námur sem settar eru fram í gildandi aðalskipulagi.

Takmarka á efnistökusvæði við núverandi staði. Gera þarf breytingu á gildandi aðalskipulagi þar sem svæðið er skilgreint sem landbúnaðarland L2.

Í framlögðum gögnum kemur fram að um sé að ræða stækkun á núverandi námu E22.

Við Fellsendaveg eru tvær aðrar stórar námur E4 og E28 auk þess sem E23 er skammt norðan Akrafjallsvegar.

Svæðið virðist því vera með hentugt efni til framkvæmda og góðri aðkomu frá umferðarlitlum vegi.

Fellsendavegur er ekki á vegaskrá Vegagerðarinnar þó lögbýli standi við veginn. Fyrirhuguð stækkun liggur aðeins hærra í landinu en núverandi efnistökusvæði þó um tiltölulega flatt land sé að ræða, en gæti þar af leiðandi orðið eitthvað meira áberandi nema svæðið verði skermað af með jarðvegsmönum. Meðan á vinnslu efnistökusvæða stendur eru frekar neikvæð áhrif á nærumhverfið og ásýnd nánast óhjákvæmileg.

Frágangur efnistökusvæðanna skiptir því mjög miklu máli, hvernig þau eru aðlöguð að aðliggjandi landi, hvernig staðið er að uppgræðslu og náttúrulegu yfirbragði námunnar.

Erindi dags. 07.10.2025 frá Vilhelm Patrick Bernhöft.

Ósk um heimild til að breyta aðalskipulagi Hvalfjarðarsveitar 2020-2032.

Í breytingunni felst að fá að vinna skipulag fyrir hluta lóða á Skólastíg 5, L221409 og Leirárlands L221405.

Skilmálar fyrir Kross og Krossland Eystra - breytt lóðarmörk.

Við gerð nýs deiliskipulags fyrir Kross, sem staðfest var í B-deild Stjórnartíðinda 09.04.2021 var afmörkun lóða breytt frá því sem verið hafði í eldra gildandi deiliskipulagi svæðisins.

Nauðsynlegt er að uppfæra lóðarblöð fyrir umræddar lóðir og gera merkjalýsingar vegna breytinganna.

Erindi dags. 09.10.2025 frá landeigendum Narfabakka.



Í deiliskipulagi Narfabakka kemur fram að heimiluð sé minniháttar orkuöflun með allt að tólf, 2 metra háum vindhverflum.

Óskað er eftir að sú hæðartakmörkun verði felld út og að hæðarheimild aðalskipulags, þ.e. allt að 25 m, verði ráðandi.

Hvalfjarðarsveit hefur hlotið styrk úr styrkvegasjóði Vegagerðarinnar (styrkir til samgönguleiða) til að lagfæra veginn um Álfholtsskóg.

Samið hefur verið við Þrótt ehf., um að vinna verkið og verður það unnið nú síðar á árinu 2025.

Sótt er um framkvæmdaleyfi vegna verksins en styrkja á veginn með því að setja yfir hann unnið efni.

Barium ehf, Hafsteinn Daníelsson og Hafsteinn Daníelsson ehf sækja um framkvæmdaleyfi til að að bora allt að fjórar, 8 tommu rannsóknarholur vegna leitar að köldu neysluvatni í landi Geldingaár L133739.

Með erindinu fylgdi m.a. uppdráttur af ætluðu borsvæði og hnit af mörkum svæðisins.

Óskað er eftir að leyfið gildi til 31. desember 2025.

Lögð var fram skipulagslýsing að aðalskipulagsbreytingu vegna Kross L198194 og Krosslands eystra L205470 í Skipulagsgátt skv. 1. mgr. 36. gr. skipulagslaga nr. 123/2010.

Breytingin nær ma.a. til svæðis sem skilgreint er sem samfélagsþjónusta (S8) og verður íbúðarbyggð (ÍB5).

Auglýsingatími lýsingarinnar var frá 02.10.-12.10. 2025 og bárust 5 umsagnir.



Ein af umsögnum snéri að skilmálum aðalskipulagsins um nýtingarhlutfall og fjölda íbúða fyrir svæðið og mögulegt misræmi í gögnum aðalskipulagsins.

Um Krossland eystra segir í núgildandi aðalskipulagi (ÍB5) að heildarfjöldi íbúða sé 124, svæðið sé 6 ha eða 60.000 m2 að stærð og nýtingarhlutfall sé 0,3 - 0,6.

Um Kross segir í núgildandi aðalskipulagi (ÍB4) að á svæðinu séu 31 lóð og 31 íbúð, svæðið sé 8 ha eða 80.000 m2 að stærð og nýtingarhlutfall sé 0,3-0,6.

Í aðalskipulagsbreytingu hefur athugasemd um nýtingarhlutfall og fjölda lóða, sem barst á lýsingartíma, verið höfð til hliðsjónar við gerð aðalskipulagstillögunnar.

Skipulagslýsing lögð fram.

Lögð var fram skipulagslýsing í Skipulagsgátt að breyttu Aðalskipulagi Hvalfjarðarsveitar 2020-2032 í landi Ferstiklu 1 L133168, til samræmis við 1. mgr. 30. gr. skipulagslaga nr. 123/2010.



Í breytingunni felst að hluta núverandi landbúnaðarlands (L2) og óbyggðs svæðis (ÓB1) í landi Ferstiklu, verði breytt í skógræktar- og landgræðslusvæði (SL). Áætlað er að 67 ha svæði verði skilgreint sem skógræktar- og landgræðslusvæði.



Auglýsingatími skipulagslýsingar var frá 04.09.- 18.09.2025 og bárust 7 umsagnir.



Lagt fram svar við ábendingu Skipulagsstofnunar og uppfærð tillaga aðalskipulagsbreytingar.

Auglýst var óveruleg breyting á deiliskipulagi fyrir Klafastaðaveg 5, 7 og 9, í Skipulagsgátt sbr. 2. mgr. 43. gr. skipulagslaga nr. 123/2010.



Tillagan var grenndarkynnt meðal aðliggjandi lóðarhafa og landeiganda þ.e. Klafastaðavegur 1, L215933, Klafastaðavegur 4, L215936, Klafastaðavegur 12, L220445 og Faxaflóahafnir sf.



Grenndarkynning var auglýst frá 29.08.- 26.09.2025 og barst ein umsögn um samþykki fyrir hönd Faxaflóahafna.

Sett er fram deiliskipulag fyrir Læk Hafnarlandi L210327. Landeigandi hyggst byggja lóðina upp og áætlað er að byggja íbúðarhús og gisihús fyrir allt að 60 gesti auk þjónustubygginga. Stærð skipulagssvæðis er um 15 ha.



Samhliða nýju deiliskipulagi er gerð breyting á Aðalskipulagi. Lóðin var skilgreind sem frístundasvæði í gildandi Aðalskipulagi en með breytingu var henni breytt í verslunar- og þjónustusvæði.



Fylgigögn eru greinargerð og skipulagsuppdráttur.

Auglýst var tillaga að nýju deiliskipulagi í landi Kúludalsárlands 4 L133703 til samræmis við 1. mgr. 41. og 43. gr. skipulagslaga nr. 123/2010 í Skipulagsgátt.



Tillagan tekur til um 5,5 ha svæðis þar sem m.a. er gert ráð fyrir fastri búsetu og á uppdrætti eru afmarkaðar lóðir, vegir og byggingarreitir.



Auglýsing deiliskipulags var frá 20.08.- 01.10.2025 og bárust 9 umsagnir.



Lögð er fram samantekt umsagna og viðbrögð við þeim og uppfærður skipulagsuppdráttur með hliðsjón af umsögnum.

Erindi frá Guðlaugi I. Maríassyni merkjalýsanda f.h. Hvalfjarðarsveitar.

Verið er að stofna nýja lóð út úr lóðinni Melahverfi Litla-Lambhagaland, L191618 sem skv. fasteignaskrá Húsnæðis- og Mannvirkjastofnunar var á sínum tíma stofnuð út úr Litla-Lambhagalandi.

Ný lóð sem er ætluð undir spennistöð Rarik er stofnuð út úr lóð í þéttbýli í Melahverfi, skógræktar- og landgræðslusvæði og er hún í samræmi við gildandi aðalskipulag Hvalfjarðarsveitar 2020-2032.

Nýja lóðin fær nafnið Melahverfi 3.

Aðkoma að nýrri lóð/fasteign er um vegslóða sem tengist afleggjara að Melahverfi nr. 5033-01 skv. vegaskrá Vegagerðarinnar.

Stærð nýrrar fasteignar er 20,2 m2.

Skráð stærð upprunafasteignar L19161 fyrir breytingu er 9,0 ha.

Kvöð er um aðkomu að fasteigninni um lóð/fasteign Melahverfis, Litla Lambhagalands L191618 og Melahverfis L191593.

Erindi frá Ruth Hallgrímsdóttur landeiganda að Gröf, L133629.

Sótt er um stofnun nýrrar fasteignar, sem fær nafnið Smáey, úr upprunalandinu Gröf L133629. Um er að ræða staka fasteign. Stærð Smáeyjar verður 1,3 ha. Stærð Grafar L133629 er í fasteignaskrá Húsnæðis- og Mannvirkjastofnunar skráð 184,1 ha og verður eftir stofnun Smáeyjar 182,8 ha. Aðkoma að hinni nýju fasteign er frá þjóðvegi 1 og héraðsvegi nr. 5041-01. Matshlutar 23 (íbúðarhús) og 24 (vélaskemma) flytjast frá Gröf, L133629 yfir á Smáey.

Með erindinu fylgdi merkjalýsing sem unnin var samræmi við gildandi aðalskipulagi Hvalfjarðarsveitar 2020-2023.

Ekkert deiliskipulag er í gildi á þessu svæði.

Aðliggjandi lóðir eru Melhagi, L200319 og Gröf I, L186420.

Erindi frá byggingarfulltrúa.

Umsókn dags. 23. september 2025 frá Jóni Magnúsi Halldórssyni hönnuði f.h. lóðarhafa.

Um er að ræða lóðina / fasteignina Hjallholt 34, L133591.

Sótt er um leyfi til að byggja lítið frístundahús, gestahús úr timbri á staðsteyptum sökkli og steyptri plötu.

Ekkert deiliskipulag er í gildi á svæðinu.

Erindi frá byggingarfulltrúa.

Hönnuður f.h. lóðarhafa sækir þann 6.10.2025 um byggingarleyfi fyrir frístundahúsi á lóðinni Höfn 5.

Ekkert deiliskipulag er í gildi á svæðinu.

Um er að ræða fullbúið timburhús sem flutt verður frá Skagafirði að Höfn 5 í Hvalfjarðarsveit.

Erindi frá byggingarfulltrúa.

Hönnuður f.h. lóðarhafa sækir þann 9.10.2025 um byggingarleyfi fyrir sumarhúsi á lóðinni Hjallholti 27.

Ekkert deiliskipulag er í gildi á svæðinu.

Erindi frá byggingarfulltrúa.

Umsókn frá Guðnýju Ernu Jónsdóttur. Sótt er um 24,7 m2 viðbyggingu við frístundahús á lóðinni Álfheimar 9, húsið verður 109,7 m2 og 362,4 m3.

Húsið fer u.þ.b. 2 m2 út fyrir byggingarreit.

Umræða um lóðarmörk við Háamel og Lyngmel, á móts við Bugðumel.

Erindi hafa borist frá íbúum um breytingu á lóðarmörkum þannig að lóðarmörk færist nær Bugðumel og lóðir stækki sem því nemur.

Erindi frá Erling Hjálmarssyni, Garðavöllum 10.

Óskað er eftir að fá að taka land í fóstur.

Erindi dags. 30. september 2025 frá Húsnæðis- og Mannvirkjastofnun.



Húsnæðis- og mannvirkjastofnun vekur athygli á að hægt er að gera athugasemdir við efni leiðbeininga (drög) við 6. og. 9. hluta byggingarreglugerðarinnar sem kynntar eru á vef stofnunarinnar.



Frestur til að skila inn athugasemdum við efni leiðbeininganna er til og með 29. október næstkomandi.

Áskorun til sveitarfélaga. Erindi dags. 22. september 2025 frá Skógræktarfélagi Íslands.

Með erindinu vill stjórn Skógræktarfélags Íslands fylgja eftir ályktun sem samþykkt var á aðalfundi félagsins nýverið, og var hún svohljóðandi:



Aðalfundur Skógræktarfélags Íslands, haldinn að Varmalandi í Borgarfirði dagana 29.-31. ágúst 2025, hvetur sveitarfélög landsins til að setja fram með skýrum hætti í aðalskipulagi hvar megi stunda landbúnað með nýskógrækt og hvar ekki. Fundurinn hvetur sveitarfélög landsins til að endurskoða aðalskipulag sitt að loknum sveitastjórnarkosningum vorið 2026 og gera það þannig úr garði að það uppfylli kröfur Skipulagslaga 123/2010 og Skipulagsreglugerðar 90/2013 með síðari breytingum. Jafnframt eru sveitarfélög hvött til að vera á varðbergi gagnvart rangfærslum í umsögnum um framkvæmdaleyfi til nýskógræktar.



Það er einlæg ósk Skógræktarfélags Íslands að ályktunin verði tekin til góðfúslegrar skoðunar.

Húsnæðisáætlun 2026.

Erindi dags. 7. október 2025 frá Húsnæðis- og Mannvirkjastofnun er varðar endurskoðun húsnæðisáætlunar fyrir árið 2026. Búið er að opna fyrir næstu útgáfu í áætlanakerfinu. Fram kemur í erindinu að samstarf HMS og sveitarfélaga við gerð húsnæðisáætlana hafi að mati stofnunarinnar gengið vel og séu áætlanirnar orðnar mikilvægar upplýsingar í stefnumótun og ákvarðanatöku stjórnvalda í húsnæðismálum. Líkt og áður þá eiga sveitarstjórnir að vera búnar að staðfesta endurskoðun á húsnæðisáætlun sinni fyrir 20. janúar ár hvert.

Erindi frá Vegagerðinni dags. 9. október 2025 um rannsóknarráðstefnu Vegagerðarinnar 2025 sem haldinn verður 7. nóvember 2025.

Fimmtán rannsóknarverkefni verða til umfjöllunar á ráðstefnunni sem alla jafna hefur verið fjölsótt af starfsfólki Vegagerðarinnar, starfsfólki ráðgjafa- og verkfræðistofa, verktökum og áhugafólki um samgöngur og rannsóknir.

Í fyrra sóttu ráðstefnuna hátt í 300 manns.

Styrkur rannsóknasjóðs Vegagerðarinnar liggur í því að styrkja verkefni á mjög breiðu fræðasviði þar sem ekki er endilega einblínt á hefðbundna vegagerð.

Verkefnin falla þó undir fjóra almenna flokka sem eru: mannvirki, umferð, umhverfi og samfélag.

Erindi frá Atvinnuvegaráðuneyti.

Lögð voru fram til kynningar í samráðsgátt stjórnvalda drög að frumvarpi til laga um breytingu á búvörulögum nr.99/1993.