Menningar- og markaðsnefnd

Nefndin átti mjög góðan fund með Margréti B. Björnsdóttur forstöðumanns Markaðsstofu Vesturlands í gær, þar sem hún upplýsti okkur um það hvað önnur sveitarfélög og landssvæði eru að gera í merkingarmálum. Hún deildi okkar sýn á verkefnið og kom með ýmsan fróðleik sem án efa á eftir að nýtast vel m.a. varðandi kostnað og önnur hagnýt atriði. Hún sagði frá umræðu sem kom upp í vinnu við áfangastaðaáætlun varðandi markaðssetningu á strandlengju Hvalfjarðar og gerir ráð fyrir samstarfi þriggja sveitarfélaga við Hvalfjörð. Þetta gæti verið gott framhald á verkefninu sem nefndin er að vinna að.

Nefndin óskar eftir því við sveitarstjórn að tveimur milljónum króna verði ráðstafað til þessa verkefnis á næsta ári. Jafnframt óskar nefndin eftir því við sveitarstjórn að fá heimild til að óska eftir samvinnu við Markaðsstofu um ofangreint verkefni varðandi strandlengju Hvalfjarðar.