Menningar- og markaðsnefnd

Menningar- og markaðsnefnd leggur til að Hvalfjarðarsveit taki þátt í stofnun safnaklasa Vesturlands sem hluthafi í Byggðasafni á Görðum og Snorrastofu.

Menningar- og markaðsnefnd þakkar Ungmennráði fyrir góðar ábendingar um að gott væri að hafa bekki með borðum við félagsheimilið Miðgarð og felur frístunda- og menningarfulltrúa að ganga frá kaupum á tveimur borðum.

Hugmyndavinna við Hvalfjarðardaga sem fram fara helgina 23.-25. júní fór vel af stað og skiptu nefndarmenn með sér verkefnum. Nefndin hvetur alla til að taka helgina frá.

Vinna við skilti fimm er í fullum gangi og er texti langt kominn í vinnslu. Farið var í vettvangsferð og svæði skoðað sem gæti hentað fyrir skiltið. Hugmyndavinna að næsta skilti er hafin.

Farið var yfir ýmsa kosti í kynningarmálum Hvalfjarðarsveitar þar á meðal safnrit og bæklinga á borð við, Ísland - atvinnuhættir og menning, Land og saga og Vegahandbók.

Lagt fram til kynningar.