Fara í efni

Mannvirkja- og framkvæmdanefnd

81. fundur 06. maí 2025 kl. 15:30 - 17:30 í stjórnsýsluhúsinu Innrimel 3
Nefndarmenn
  • Guðjón Jónasson formaður
  • Helgi Pétur Ottesen varaformaður
  • Ómar Örn Kristófersson ritari
  • Róbert Eyvar Ólafsson aðalmaður
  • Einar Engilbert Jóhannesson 1. varamaður
Starfsmenn
  • Hlynur Sigurdórsson embættismaður
Fundargerð ritaði: Hlynur Sigurdórsson Verkefnastjóri framkvæmda og eigna
Dagskrá
Salvör Lilja Brandsdóttir boðar forföll.

1.Íþróttahús - Heiðarborg

2001042

Fundarmenn fóru í vettvangsskoðun á verkstað við Heiðarborg og kynntu sér verkstöðu framkvæmda.
Verkstaða framkvæmda kynnt.

2.Melahverfi III - Gatnaframkvæmd

2409030

Útboð fyrsta áfanga gatnaframkvæmda Melahverfis III var auglýst 02.maí 2025, tilboð verða opnuð mánudaginn 26.05.2025 kl. 10:00 á skrifstofu Hvalfjarðarsveitar.

Verkinu skal að fullu lokið 31.12.2025.
Mannvirkja- og framkvæmdanefnd felur verkefnastjóra framkvæmda og eigna að gera verðkönnun í verkeftirlit gatnaframkvæmda í samræmi við útsend útboðsgögn gatnaframkvæmda.

3.Leikskólahúsnæði - Skýjaborg

2202016

Verksamningur við Andrúm arkitekta um hönnun leikskóla og landlagshönnun var undirritaður 06.05.2025.
Framlögð er verk- og tímaáætlun hönnuða.

4.Heiðarskóli eldhús 2025

2504035

Óskað er eftir endurnýjun á eldri gufuofni í eldhúsi Heiðarskóla, leitað hefur verið eftir tilboðum hjá birgjum stóreldhústækja.
Mannvirkja- og framkvæmdanefnd leggur til við sveitastjórn að samþykkja viðaukabeiðni vegna kaupa á Rational gufuofni í Heiðarskóla.
Erindinu vísað til samþykktar sveitastjórnar.

5.Snjómokstur 2023-2026

2212001

Samstarfssamningur Hvalfjarðarsveitar og Vegagerðarinnar við Miðfellsbúið ehf vegna snjómoksturs og hálkueyðingar í Hvalfjarðarsveit rennur út 30.04.2025 með möguleika á framlengingu til 30.04.2027.
Mannvirkja- og framkvæmdanefnd leggur til við sveitastjórn að samstarfssamningur Hvalfjarðarsveitar og Vegagerðarinnar við Miðfellsbúið ehf., vegna snjómoksturs og hálkueyðingar í Hvalfjarðarsveit, sem rennur út 30.04.2025, verði endurnýjaður til 30.04.2027, Vegagerðin hefur gefið samþykki sitt fyrir endurnýjun samningsins við verktakann.

6.Lóðaleiga - vatnsveitumál

1309003

Erindi frá Hvalfjarðarsveit.

Í gildi er samningur um lóðarleigu vegna spildu úr landi Saurbæjar L133203.

Landeignanúmer spildunnar er 222078 og ber hún heitið Lindarmelur og er 1,79 ha að stærð.

Það hefur verið í umræðunni að ganga til viðræðna við Þjóðkirkjuna / Prestsetrasjóð um lóðina og kanna möguleika þess að skila lóðinni og rifta samningi.

Mannvirkja- og framkvæmdanefnd felur formanni nefndarinnar og verkefnastjóra framkvæmda og eigna að vinna málið áfram.

7.Snjómokstur í Svarfhólsskógi.

2504036

Erindi frá Reyni Ásgeirssyni.
Í samræmi við gildandi viðmiðunarreglur snjómoksturs í Hvalfjarðarsveit er ekki gert ráð fyrir snjómokstri í sumarhúsabyggðum. Mannvirkja- og framkvæmdanefnd getur því ekki orðið við beiðni um snjómokstur í sumarhúsabyggðum Hvalfjarðarsveitar.

8.Viðhalds- og framkvæmdaáætlun 2025-2028

2409031

Verkefnastjóri framkvæmda fer yfir verkstöðu framkvæmda og önnur mál.

Fundi slitið - kl. 17:30.

Efni síðunnar