Fræðslunefnd

Leikskólastjóri fór yfir árangursmat og ósk um framhald á stöðu leikskólasérkennara í Skýjaborg en um er að ræða tilraunaverkefni sem samþykkt var af fræðslunefnd þann 16. júní 2022. Börnin eru að fá markvissari íhlutun og miklar framfarir hafa orðið í barnahópnum í vetur. Vegna fækkunar í barnahópnum í leikskólanum í haust leggur Fræðslunefnd til við sveitarstjórn að það verði óbreytt fyrirkomulag á stöðu leikskólasérkennara.

Fræðslunefnd leggur til við sveitarstjórn að samþykkja áætlaða stöðugildaþörf í Skýjaborg skólaárið 2023-2024.

Fræðslunefnd leggur til við sveitarstjórn að samþykkja kennslustundaúthlutun Heiðarskóla fyrir skólaárið 2023-2024 og hlutfall almennra starfsmanna.

Fræðslunefnd tekur jákvætt í erindi frá skólastjóra Heiðarskóla varðandi beiðni um viðauka vegna starfsmannakostnaðar við nemendaferð til Brighton. Nefndin vísar erindinu til afgreiðslu sveitarstjórnar.

Í maí 2018 lagði skólastjórn fram tillögu að setja upp þróunarverkefni í leikskólanum Skýjaborg um styttingu vinnuvikunnar úr 40 stundum í 35 stundir. Þróunarverkefnið yrði til tveggja ára, frá 1. september 2018 til 31. ágúst 2020 og endurskoðað að þeim tíma liðnum. Starfsfólk í hlutastarfi fengi styttingu miðað við sitt starfshlutfall.
Vorið 2020 voru því teknar saman niðurstöður út frá þessum viðmiðum og lagt fyrir Fræðslunefnd og sveitarstjórn.

Vorið 2021 var verkefnið svo samþykkt með óbreyttu fyrirkomulagi og að stöðumat yrði gert annað hvert ár.
Markmið tilraunarverkefnisins um styttingu vinnuvikunnar í Skýjaborg var að fjölga leikskólakennurum og bæta starfsskilyrði í leikskólanum. Samkvæmt niðurstöðum hefur hlutfall leikskólakennara í Skýjaborg hækkað úr 20,1% í 38,8%.

Næsta samantekt frá leikskólastjóra verður lögð fram fyrir Fræðslunefnd á vormánuðum 2025.

Skólastjóri Heiðarskóla kynnti drög að starfsmannahaldi fyrir SumarGaman 2023.

Guðjón Jónasson, formaður Mannvirkja- og framkvæmdanefndar og Hlynur Sigurdórsson, verkefnastjóri framkvæmda og eigna komu inn á fundinn.

Fræðslunefnd leggur til við sveitarstjórn að skipaður verði sjö manna starfshópur um þarfagreiningu nýs leikskólahúsnæðis. Lagt er til að í starfshópnum sitji þrír starfmenn leikskólans, einn úr foreldarfélaginu, einn úr Fræðslunefnd, starfsmann Mannvirkja- og framkvæmdanefndar og Frístunda- og menningarfulltrúa.

Farið var yfir öryggismál varðandi væntanlegt vinnusvæði vegna byggingar nýs íþróttahúss við Heiðarborg.
Fræðslunefnd óskar eftir að formaður og starfsmaður Mannvirkja- og framkvæmdanefnda endurskoði öryggismál varðandi gönguleið barnanna frá skóla og að íþróttahúsi.

Skólastjórar Leik- og grunnskóla Hvalfjarðarsveitar fóru yfir stöðu mála.

Lagt fram til kynningar.

Lagt fram til kynningar.

Lagt fram til kynningar.