Fræðslunefnd
Dagskrá
Elín Ósk Gunnarsdóttir og Sigurbjörg Friðriksdóttir boðuðu forföll.
1.Beiðni um kaup á búnaði
2208006
Erindi frá skólastjóra Heiðarskóla.
Fræðslunefnd leggur til við sveitarstjórn að verða við beiðni skólastjóra Heiðarskóla um kaup á búnaði vegna sértækra kennslu- og stuðningsþarfa að andvirði kr. 353.000,-. Nefndin leggur jafnframt til að gerður verður viðauki í lok árs ef úthlutun á deild 04022, lykill 5853 tölvubúnaður og skrifstofuvörur í fjárhagsáætlun fer umfram fjárhagsáætlun fyrir árið 2022.
2.Innleiðing laga um samþættingu þjónustu í þágu farsældar barna.
2208023
Til umsagnar drög að reglugerð um tengiliði og málstjóra samþættingar þjónustu í þágu farsældar barna.
Drög að reglugerð um tengiliði og málstjóra lögð fram til kynningar. Jafnframt fór fram umræða um stöðu innleiðingar laganna í Hvalfjarðarsveit.
3.Niðurstöður nemendakönnunar Skólapúlsinn vor 2022
2208029
Niðurstöður nemendakönnunar 1.-10. bekk.
Fræðslunefnd þakkar skólastjóra Heiðarskóla fyrir kynningu á niðurstöðum nemendakönnunar Skólapúlsins og felur skólastjórn að vinna umbótaáætlun í samstarfi við hagaðila - nemendur, starfsfólk og foreldra.
4.Leikskólahúsnæði - þarfagreining 2022
2202016
Framtíðarsýn í leikskólamálum.
Ingu Maríu Sigurðardóttur og frístunda- og menningarfulltrúa falið að vinna áfram að næstu skrefum varðandi lausn á húsnæðisþörf leikskólans Skýjaborgar í samræmi við niðurstöður þarfagreiningarinnar, í samstarfi við starfsfólk leikskólans og mannvirkja- og framkvæmdanefnd. Einnig að hafinn verði undirbúningur að byggingu nýs leikskóla í Melahverfi að því loknu sbr. álit starfshópsins. Framvinda málsins verður kynnt fyrir nefndinni á næsta fundi.
5.Miðstöð skólaþróunar-stjórnun-kennsluráðgjöf og starfsþróun
2208034
Kynning.
Samstarf Hvalfjarðarsveitar og MSHA er hafið og lofar góðu. Unnið er að áætlun fyrir tímabilið sem kynnt verður í fræðslunefnd þegar hún liggur fyrir.
Fundi slitið - kl. 17:30.