Fræðslu- og skólanefnd 2009-2014
Mættir:
Hlynur M. Sigurbjörnsson, Bjarni Jónsson, Valgerður Jóna Oddsdóttir, Þórdís Þórisdóttir og Lára Ottesen sem ritar fundargerð.
Auk þeirra Helga Stefanía Magnúsdóttir skólastjóri Heiðarskóla, Sigríður Lára Guðmundsdóttir fulltrúi kennara Heiðarskóla,
Sigurður Sigurjónsson skólastjóri Skýjaborgar, Sara Margrét Ólafsdóttir fulltrúi kennara Skýjaborgar, Guðný Kristín Guðnadóttir fulltrúi foreldra Skýjaborgar.
Dagskrá
1. Setning fundar.
2. Formaður fer yfir fundargerð 40. fundar fræðslu- og skólanefndar dags. 7. maí 2009.
3. Mánaðarskýrsla skólastjóra Heiðarskóla fyrir maí 2009.
4. Mánaðarskýrsla skólastjóra Skýjaborgar fyrir maí 2009.
5. Bréf dags. 26. maí 2009 er varðar beiðni um vistun barns yngra en 18 mánaða, í leikskólanum Skýjaborg
6. Bréf dags. 29. maí 2009 er varðar beiðni um vistun barns yngra en 18 mánaða, í leikskólanum Skýjaborg
7. Afgreiðsla sveitarstjórnar frá 12. maí 2009, er varða skólamál, lögð fram.
8. Bréf Helenu Bergström, dags. 24. apríl 2009, er varðar umsókn um eins árs launalaust leyfi frá kennslu við Heiðarskóla.
9. Bréf Írisar Drafnar Kristjánsdóttur, dags. 7. maí 2009, er varðar umsókn um tveggja ára launalaust leyfi frá kennslu við Heiðarskóla.
10. Kennsluskipulag Heiðarskóla veturinn 2009-2010, lagt fram til kynningar.
11. Bekkjarskipulag Heiðarskóla veturinn 2009-2010, lagt fram til kynningar.
12. Spá um skólaakstur Heiðarskóla veturinn 2009-2010, lagt fram til kynningar.
13. Skóladagatal Heiðarskóla veturinn 2009-2010. Til umsagnar.
14. ”Forvarnir eru besta leiðin !” Áskorun frá ráðstefnu á vegum ”Blátt áfram” haldin 19. og 20. maí 2009, lagt fram til kynningar.
15. Bréf frá Sambandi íslenskra sveitarfélaga, dags. 25. maí 2009, er varðar drög að reglum menntamálaráðuneytisins um skólaakstur í grunnskóla. Til umsagnar.
16. Drög að innra skipulagi nýbyggingar Heiðarskóla. Til umsagnar.
17. Önnur mál.
Fundargerð
1. Setning fundar.
• Formaður setti fundinn og bauð fundarmenn velkomna og tilkynnti að
fulltrúi foreldra grunnskólans hefði boðað forföll og varamenn hefðu
ekki tök á að mæta.
2. Formaður fer yfir fundargerð 40. fundar fræðslu- og skólanefndar dags. 7. maí 2009.
3. Mánaðarskýrsla skólastjóra Heiðarskóla fyrir maí 2009.
• Prófdagar voru hjá öllum nemendum, mismargir eftir aldri og umfangi.
• Vorferðir að þessu sinni hjá yngri deildum voru heima í héraði eins og
við segjum 1-4 bekkir fóru í gönguferð í góðu veðri og 5-7 bekkir fóru í
hjólaferð. Unglingarnir fóru í sína hefðbundnu 3 daga vorferð sem að
þessu sinni var í Þórsmörk. Þau Örn, Siggi og Elín fylgdu hópnum og
tókst ferðin ljómandi vel.
• Gróðursetningardagur var 28.maí. Þá mátti líka vera með hjól og fyrri
hluta dagsins var farið í minniháttar hjólaferðir. Lögreglan heimsótti
okkur og skoðuðu hjól þeirra sem það vildu og setti upp þrautabrautir.
Gróðursetningardagurinn sjálfur hófst klukkan 14:00 með
stöðvaskipulagi þar sem m.a. var gróðursett úr uppeldisreit, plantað í
uppeldisreit, klippt og snyrt, búnir til kransar úr afklippum, tínt rusl og
leikið sér. Klukkan 15:00 þennan dag kom fulltrúi frá Landvernd og
færði okkur Grænfánan sem við síðan flögguðum með stolti.
• Íþróttadagurinn var síðan 29.maí . Hann var með hefðbundnu sniði en
færri komu á hestum en oft áður enda veðrið ekki eins og best verður á
kosið. En þetta gekk allt saman ágætlega og við þurftum að elda inni
en ekki útigrill eins og venja er. Töltkeppnin var einnig á sínum stað.
• Skólaslit voru síðan í gær 3.júní og 11 nemendur útskrifaðir úr 10.bekk.
Við buðum fyrirtækjum í Hvalfjarðarsveit að kosta útskriftarverðlaun og
brugðust þrjú fyrirtæki við þeirri beiðni okkar en það eru Bjarmar ehf,
Hróar ehf og Norðurál.
• Fram að helgi eru frágangsdagar hjá kennurum og aðrir starfsmenn
með heilsársráðningu verða að vinna eitthvað í sumar. Stefnt er að því
að allir verði í fríi í júlí líka skólastjórar.
• 6 starfsmenn Heiðarskóla ætla að taka þátt í námskeiðum 8-12 júní
um uppbyggingarstefnuna er töluvert margir starfsmenn
Akraneskaupstaðar taka þá í þessu þ.e.a.s stór hópur úr Grundarskóla
og hópur af leikskólum bæjarins einnig. Námskeiðið er haldið í
Minneapolis.
• Skólastjórar reikna með að vera við vinnu út júnímánuð, taka sér
sumarfrí í júlí og koma aftur til starfa eftir verslunarmannahelgi.
4. Mánaðarskýrsla skólastjóra Skýjaborgar fyrir maí 2009.
• Þann 13. maí fóru tveir elstu hópar leikskólans í vettvangsferð á
Akranes. Þar var slökkviliðið og leikskólinn Akrasel heimsótt. Börnin
fengu pizzu í hádeginu og tóku svo strætó til baka í leikskólann.
• 14. maí var síðasti vorskóladagur elstu barnanna.
• 15. maí fór elsti árgangurinn í útskriftarferð í Vatnaskóg í dásamlegu
veðri. Þar var farið í leiki, sungið, farið í gönguferð í skóginn, kirkjan
skoðuð, leikið í hoppukastölum og farið niður að vatninu. Frábær
dagur í alla staði.
• Vorhátíðin okkar var 20. maí og það er orðin hefð að foreldrafélagið
aðstoði okkur við þennan dag. Foreldrafélagið sá um að fá
hoppukastala og grilla pylsur. Við gerðum tilraun með að hefja dagskrá
fyrir hádegi sem heppnaðist ágætlega því þátttaka foreldra var svipuð
og verið hefur og börnin nutu dagsins betur.
• Starfsdagur 22. maí var með hefðbundnu sniði nema að við fengum
lánaða fundaraðstöðu hjá Landbúnaðarháskólanum Hvanneyri og
nýttum tækifærið til að skoða nýja leikskólann þar. Dagurinn fór í að
endurmeta líðandi starfsár og undirbúa það næsta.
• Tveir nemar úr 10. bekk Brekkubæjarskóla Akranesi komu í
starfkynningu hjá okkur 28. maí.
• Skýjaborgarleikar voru haldnir 27. maí. Börnin kepptu t.d. í
stígvélasparki, langstökki, vatnsblöðrukasti og spretthlaupi. Svo fengu
allir viðurkenningarskjal fyrir þátttöku.
• Útskrift elstu barnanna fór fram 27. maí. Börn og foreldrar hittust eftir
lokun leikskólans, börnin fengu útskriftarbók og tré að skilnaði og allir
gæddu sér svo á veitingum sem foreldrar buðu upp á í lokin.
• 29. maí fór allur leikskólinn í sveitarferð að Bjarteyjarsandi. Við
kláruðum hefðbundna dagskrá þrátt fyrir erfitt veður. Fjöruferð í byrjun
dags fyrir börnin á Regnboganum og allir í fjárhúsið og hlöðuna.
Húsráðandi grillaði ofan í okkur pylsur í hádeginu og síðan komst allur
hópurinn heim.
• 2. júní var hjóladagur og að þessu sinni nýttum við okkur nýtt bílaplan
fyrir framan stjórnsýsluhús Hvalfjarðarsveitar. Öll börnin komu með
hjólin sín og skemmtu sér mjög vel.
• 29. maí komu til okkar starfsmenn leikskólans Klettaborgar, Borganesi
og kynntu sér starfsemi Skýjaborgar.
• Fundur var 4 júní vegna notkunar endurvinnslu tunnunar sem tekin
hefur verið í notkun og farið yfir hvað betur megi fara.
5. Bréf dags. 26. maí 2009 er varðar beiðni um vistun barns yngra en 18
mánaða, í leikskólanum Skýjaborg.
• Beiðnin samþykkt samhljóða, enda liggur fyrir að pláss er til staðar og
starfsfólk nægt til að sinna viðkomandi. Móttöku og vistunartími
barnsins verði ákveðin af leikskólastjóra og foreldrum.
6. Bréf dags. 29. maí 2009 er varðar beiðni um vistun barns yngra en 18
mánaða, í leikskólanum Skýjaborg
• Beiðnin samþykkt samhljóða, enda liggur fyrir að pláss er til staðar og
starfsfólk nægt til að sinna viðkomandi. Móttöku og vistunartími
barnsins verði ákveðin af leikskólastjóra og foreldrum.
7. Afgreiðsla sveitarstjórnar frá 12. maí 2009, er varða skólamál, lögð fram.
• Lagt fram til kynningar.
8. Bréf Helenu Bergström, dags. 24. apríl 2009, er varðar umsókn um eins árs launalaust leyfi frá kennslu við Heiðarskóla.
• Samþykkt samhljóða.
9. Bréf Írisar Drafnar Kristjánsdóttur, dags. 7. maí 2009, er varðar umsókn um tveggja ára launalaust leyfi frá kennslu við Heiðarskóla.
• Samþykkt samhjóða. 10. Kennsluskipulag Heiðarskóla veturinn 2009-2010, lagt fram til kynningar.
• Lagt fram til kynningar
• Umræður urðu um hugmynd Heiðarskóla að breyttu skipulagi á
stundartöflu skólans. Skólastjóra, sveitarstjóra og formanni fræðsu og
skólanefndar falið að fara yfir þau atriði sem skoða þarf við slíka breytingu.
11. Bekkjarskipulag Heiðarskóla veturinn 2009-2010, lagt fram til kynningar.
• Lagt fram til kynningar.
12. Spá um skólaakstur Heiðarskóla veturinn 2009-2010, lagt fram til kynningar.
• Formanni, skólastjóra og sveitastjóra falið að fara yfir þessa spá með
hliðsjón af samningi um skólaasksur.
13. Skóladagatal Heiðarskóla veturinn 2009-2010. Til umsagnar.
• Samþykkt samhjóða.
14. ”Forvarnir eru besta leiðin !” Áskorun frá ráðstefnu á vegum ”Blátt áfram” haldin 19. og 20. maí 2009, lagt fram til kynningar.
• Umræður urðu um áskorunina. Fræðslu og skólanefnd leggur til við
skólana að hafa það í sínum verklagsreglum að krefja fólk sem ráða á
til starfa, um sakavottorð.
15. Bréf frá Sambandi íslenskra sveitarfélaga, dags. 25. maí 2009, er varðar drög að reglum menntamálaráðuneytisins um skólaakstur í grunnskóla. Til umsagnar.
• Fræðslu og skólanefnd samþykkir fyrir sitt leyti þessar reglur.
• Umræður urðu um gæslu í skólabílum. Fræðslu og skólanefnd mælist
til við sveitastjórn að gerð verði tilraun með slíka gæslu á Akrafjallsleið
vestur, næsta haust.
16. Drög að innra skipulagi nýbyggingar Heiðarskóla. Til umsagnar.
Fræðslu og skólanefnd ítrekar :
• Að gera þarf ráð fyrir aðstöðu í anddyri fyrir fatahengi yngstu
bekkjardeilda skólans. Einnig að gert verði ráð fyrir merktum hólfum við
heimasvæði, sömu bekkjardeilda, til geymslu á aukafatnaði.
• Ekki er gert ráð fyrir sérstöku tölvuveri í skólanum, heldur verði notast
við tölvuvagna á hjólum. Fræðslu- og skólanefd beinir því til
sveitastjórnar að þetta sé haft í huga við endurnýjun á núverandi
tölvubúnaði skólans.
• Heimasvæði eru vel skipulögð að mati nefndarinna, og virðast bjóða
upp á fjölbreytta möguleika í samkennslu m.a.
17. Önnur mál.
• Skóladagatal leikskólans, lagt fram. Samkvæmt skóladagatali
leikskólans er bætt við fjórum hálfum starfsdögum sem nýttir yrðu til
starfsmannafunda. Fræðslu og skólanefnd samþykkir þetta fyrir sitt
leyti.
• Formaður lagði fram 9. fundargerð skólanefndar Tónlistarskólans á
Akranesi. Umræður urðu um fækkun nemenda úr Hvalfjarðarsveit í
tónlistarnámi.
• Bréf frá styrktarsjóði EBI lagt fram. Fræðslu- og skólanefnd kallar eftir
hugmyndum frá skólunum að framfaraverkefnum. Samþykkt að taka
málið upp á næsta fundi nefndarinnar, í ásúst.
• Þórdís Þórisdóttir hefur verið ráðin til starfa á leikskólanum Skýjaborg
og lætur því af embætti í skólanefnd, en þar hefur hún verið
varaformaður. Fræðslu og skólanefnd þakkar Þórdísi kærlega fyrir
samstarfið.
• Skólastjóri ítrekar að sveitafélagið móti stefnu um móttöku nýbúa.
• Fyrirspurn kom um hvort boðið yrði uppá samskonar reiðnámskeið og í
fyrrasumar, fyrir börn í sveitafélaginu. Formanni falið að skoða það
mál.
• Formaður fræddi okkur um stöðu mála vinnuskólans.
Fundi slitið kl 19.35
Hlynur Sigurbjörnsson Valgerður Jóna Oddsdóttir
Lára Ottesen Þórdís Þórisdóttir
Bjarni Jónsson