Fræðslu- og skólanefnd 2009-2014
Ása Helgadóttir, Stefán Ármannsson, Ásgeir Kristinsson, Valgerður Jóna Oddsdóttir og Helgi Pétur Ottesen sem ritar fundargerð.
Auk þeirra Jón Rúnar Hilmarsson, skólastjóri, Sigríður Lára Guðmundsdóttir, fulltrúi kennara grunnskólasviðs,
Þórdís Þórisdóttir, fulltrúi kennara leikskólasviðs og Dagný Hauksdóttir, fulltrúi foreldra grunnskólabarna
1. Setning fundar.
Á.H., formaður nefndarinnar, setti fundinn og bauð fundarmenn velkomna þá sérstaklega Jón Hilmar, nýráðinn skólastjóra. Á.H. fór yfir þau mál sem að nefndin hefur unnið að fram að sumarleyfi.
2. Fjórar umsóknir um undanþágu á reglu um lágmarksaldur við inntöku barns á leikskólann Skýjaborg.
Bókun: Fræðslu- og skólanefnd samþykkir umsóknir dags. 23.05.2012, 02.07.2012 og 09.08.2012 um vistun í leikskólanum Skýjaborg þar sem ekkert dagforeldri er starfandi í sveitarfélaginu. Vistun getur hafist í samráði við sviðsstjóra Skýjaborgar.
Umsókn dags. 11.07.2012 er hafnað þar sem að umsækjandi er ekki búsettur í Hvalfjarðarsveit.
3. Úttekt á skólastarfi.
Á.K. lagði til að samskonar úttekt eins og var framkvæmd árið 2007 yrði gerð á skólastarfinu í Hvalfjarðarsveit. Benti á mikilvægi þess að fá stöðumat á skólastarfinu núna sem auðveldaði stefnumörkun. Umræður um hvort að tímabært væri að gera slíka könnun. Ákveðið var að boða Harald Finnsson, ráðgjafa nefndarinnar, á fund þar sem að þessi dagskrárliður verður tekin fyrir.
4. Yfirferð á markmiðum með sameiningu á leik- og grunnskólasviði.
Á.K. ræddi um markmiðin með sameiningu á leik- og grunnskólasviði. Ræddi mikilvægi þess að settir væru skýrir mælikvarðar sem nýttust þegar svona verkefni væru endurmetin. Umræður voru um þau markmið sem að stefnt var að og hvort að það tókst. Rætt var um það sem að vel hefur tekist til og það sem mætti bæta en ekki hafa borist allir punktar frá samráðshópnum.
5. Samantekt frá fundi er varðar tónlistarkennslu í Hvalfjarðarsveit.
Samantekt frá fundi með fulltrúum Hvalfjarðarsveitar og Akraness varðandi tónlistarnám í Hvalfjarðarsveit dags. 07.08.2012. Lagt fram.
Nefndin tekur heilshugar undir það að efla eigi tónlistarnám í Hvalfjarðarsveit eins og kostur er og leggur til að tónlistarnám verði flutt í frekari mæli í sveitarfélagið.
6. Tillögur fjölskylduráðs er varðar tónlistarskólann.
Lagt fram til kynningar. Samþykkt einróma af nefndarmönnum að áheyrnarfulltrúi Hvalfjarðarsveitar verði Ása Helgadóttir.
7. Starfsmannamál.
Rætt um starfsmannamál á leik- og grunnskólasviði. Farið yfir starfsmannaveltu á skólaárinu 2011- 2012. Formanni falið að útvega gögn um starfsmannaveltu s.l. þrjá starfsvetur á leik- og grunnskólasviði fyrir næsta fund.
8. Ungt fólk og lýðræði.
Lagt fram til kynningar.
9. Styrktarsjóður
E.B.Í. Erindi dags. 22.05.2012 lagt fram. Nefndin styður ósk menningar- og atvinnuþróunarnefndar Hvalfjarðarsveitar að óskað verði eftir styrk fyrir Sögu Hvalfjarðar.
10. Bréf til ungmennaráðs Hvalfjarðarsveitar.
Bréf dags. 17.07.2012 lagt fram.
11. Beiðni um fjárstuðning við forvarnarstarf Núll prósent á árinu 2012.
Beiðni dags. 26.06.2012. Nefndin hafnar erindinu.
12. Beiðni um styrk til að sameina upplýsingar og fræðslu um einelti.
Erindi frá Ljósboga kvikmyndagerð dags. 26.06.2012. Beiðni um styrk til að sameina allar upplýsingar og fræðslu um einelti meðal barna í 4 x 50 mín. sjónvarpsserínu. Nefndin tekur jákvætt í erindið og vísar erindinu til afgreiðslu hjá sveitarstjórn.
13. Önnur mál.
- Sviðsstjóra grunnskólasviðs falið að tilnefna fulltrúa kennara í fræðslu- og skólanefnd fyrir Katrínu Rós Sigvaldadóttur sem að er í námsleyfi.
- Tómstundaávísanir og nýting þeirra. Fræðslu – og skólanefnd leggur það til við sveitarstjórn að börn í Hvalfjarðarsveit fái sendar tómstundarávísanir líkt og gert var síðasta haust.
- Skóladagatal fyrir árið 2012 – 2013 lagt fram af skólastjóra.
- Umræður um ímyndarmál skólanna í Hvalfjarðarsveit.
Fundi slitið kl. 20:00.
Ása Helgadóttir
Valgerður Jóna Oddsdóttir
Stefán Ármannsson
Ásgeir Kristinsson
Helgi Pétur Ottesen sem ritaði fundargerð