Fara í efni
Hafnarfjall
11 N 7 m/s
Akrafjall
11 ENE 11 m/s
Þyrill
12 ENE 9 m/s

Íþróttamannvirki á Akranesi

Íþróttamannvirki á Akranesi

 Íþróttamiðstöðin að JaðarsbökkumÍþróttahús

 Á Jaðarsbökkum fara fram skólaíþróttir barna í Grundaskóla, knattspyrna, körfuknattleikur, frjálsar íþróttir og blak. Einnig er þar að finna aðal þreksal Akraness og sundlaug.   Skrifstofur forstöðumanns íþróttamannvirkja og íþróttafulltrúa ÍA eru að Jaðarsbökkum. Íþróttamiðstöðin, auk Akraneshallar, er opin alla virka daga frá kl. 6.00 - 22:00 og frá kl. 9:00 - 18:00 um helgar. Símanúmer Jaðarsbakka er 433 1100.

  Íþróttahúsið við VesturgötuÍþróttahús

Í íþróttahúsinu við Vesturgötu fara fram skólaíþróttir barna í Brekkubæjarskóla, fimleikar,     badminton, karate, hnefaleikar, skotfimi, keila og þrek. Opnunartímar eru sem hér segir: mánudaga til fimmtudaga frá kl. 07.00-22.30, föstudaga frá kl. 07.00-21.30, laugardaga frá kl. 9.00-15.00 og sunnudaga frá kl. 11.30-17.00. Lokað er á sumrin frá júní-ágúst. 
Símanúmer íþróttahúsins við Vesturgötu er 433 1133. 

 JaðarsbakkalaugJaðarsbakkalaug

Jaðarsbakkalaug er 25 m útisundlaug með  heitum pottum, gufu og vatnsrennibraut. Skemmtileg sundlaug fyrir fjölskylduna, sundkappann og til sólbaðs. Sundlaugin er opin alla virka daga frá kl. 6:15 - 21:00 og um helgar frá kl. 09:00 - 18:00. Lokað er á stórhátíðardögum. 

  

BjarnalaugBjarnalaug

Bjarnalaug er 12,5 m innilaug með heitum potti sem staðsettur er í laugargarði utandyra. Bjarnalaug er einstaklega skemmtileg sundlaug og til gamans má geta þess að Bjarnalaug er til útleigu fyrir hin ýmsu tækifæri svo sem afmæli, bekkjarkvöld, starfsmannapartý o.fl. Bjarnalaug er staðsett að Laugabraut 6 og er hún orðin 70 ára gömul. Laugin er notuð í dag sem kennslulaug fyrir Brekkubæjarskóla en einnig fer þar fram ungbarnasund og sundskóli. Bjarnalaug er opin almenningi yfir vetrartímann (sept-maí) á laugardögum frá kl. 10.00-13.00 en þá er laugin hituð í 33 - 34°C. Nánari upplýsingar eru í síma  433 1130. 

GuðlaugGuðlaug

Á Langasandi er hægt að baða sig í sjónum og njóta útsýnisins í Guðlaugu sem er heit laug staðsett í grjótgarðinum á Langasandi. Guðlaug er á þremur hæðum en þriðja hæðin næst áhorfendastúku er útsýnispallur, þar undir á annarri hæð er heit setlaug og sturtur ásamt tækjarými og á fyrstu hæð er grunn vaðlaug.  Á milli hæðanna eru tröppur sem einnig mynda tengingu á mill bakkans og fjörunnar. Guðlaug er skilgreind sem náttúrulaug/afþreyingarlaug sem er opin allt árið um kring. Laugin er gjaldfrjáls og eru búningsklefar á staðnum.

  •  Vetraropnun: miðviku- og föstudaga frá kl. 16-20 & laugar- og sunnudaga frá kl. 10-14.
  • Sumaropnun: Frá 1. maí til 31. ágúst, frá kl. 12-20 fyrir utan miðviku- og laugardaga, þá verður opið frá kl. 10-18 og lengst á sunnudögum eða frá kl. 10-20.

Vakin er athygli á því að opnunartími getur tekið breytingum og eru gestir laugarinnar hvattir til að fylgjast með upplýsingaflæði á facebooksíðu Guðlaugar hér. 

Um framkvæmdina
Í  ágúst árið 2017 var samningur undirritaður um byggingu Guðlaugar og hófust framkvæmdir strax samkvæmt hönnun Basalt arkitekta og Mannvits verkfræðistofu. Verktaki framkvæmdarinnar var Ístak ehf. og Vélaleiga Halldórs Sig ehf. var undirverktaki þeirra.  Rafþjónusta Sigurdórs og Píplagningaþjónustan ehf. sáu um rafmagns- og vatnslagnir laugarinnar og Trésmiðjan Akur kom að því að koma upp búningaaðstöðu. Fyrst var byrjað á því að grafa í grjótgarðinn fyrir undirstöðum og þær steyptar síðan mánuði síðar. Grjótgarðurinn var í kjölfarið settur aftur upp fyrir veturinn og hóf Ístak vinnu við að forsteypa einingar mannvirkisins. Framkvæmdir hófust á ný í júní 2018 og lauk þeim í desember sama ár. 

Forsaga Guðlaugar
Forsaga Guðlaugar á sér rætur að rekja til ársins 2014 þegar Minningarsjóður Jóns Gunnlaugssonar útvegsbónda og Guðlaugar Gunnlaugsdóttur húsmóður frá Bræðraparti á Akranesi var formlega slitið en sjóðurinn var stofnaður árið 1969. Stjórn minningarsjóðsins ákvað þar að ráðstafa samtals 14 m.kr. til uppbyggingar á heitri laug við Langasand ásamt öðrum styrkjum til samfélagsins á Akranesi að verðmæti 54 m.kr. í reiðufé og lóðum að verðmæti 66 m.kr.
Tilgangur með stofnun sjóðsins var að efla mannlíf og samfélag á Akranesi og veita ungum fátækum námsmönnum á Akranesi styrki til náms sem tengdist sjávarútvegi. Með breyttum aðstæðum og atvinnuháttum á Akranesi sóttu færri um styrk úr sjóðnum en stofnendur hugðu upphaflega. Það var því einróma samþykkt í stjórn sjóðsins að leggja sjóðinn niður og ráðstafa stærstum hluta hans til málefna tengdum slysavörnum og samfélagsmálum á Akranesi.
Í kjölfar styrkveitingarinnar var settur á laggirnar starfshópur skipaður af Sigurði Páli Harðarsyni sviðsstjóra skipulags- og umhverfissviðs, Elínu Sigrúnu Jónsdóttur barnabarni Gunnlaugs og Guðlaugar, Írisi Reynisdóttur þáverandi garðyrkjustjóra og Haraldi Sturlaugssyni. Hlutverk starfshópsins var að útfæra verkefnið um uppbyggingu á heitri laug á Langasandi og skilaði starfshópurinn af sér tillögu á haustmánuðum ársins 2015.