3. febrúar 2012
Frá ungmenna- og íþróttafélagi Hvalfjarðarsveitar
Á mánudögum kl. 16:15-17:00 verður opið í íþróttasal fyrir börn á leikskólaaldri og foreldra þeirra. Foreldrar geta komið með börnum sínum og átt skemmtilega íþróttastund í boltaleikjum, þrautabraut o.fl. Sundlaugin opin.
Á mánudögum og miðvikudögum milli kl. 19:30 og 20:30 er leikfimi að hætti Helgu Harðardóttur. Hægt er að skrá sig hjá Helgu í s. 699 3062 eða á staðnum. Allir velkomnir. Sundlaugin opin.
1. febrúar 2012
Opnunartími Heiðarborgar - breyting
Framvegis verður lokað á föstudögum. Í staðinn lengist opnunartími mán, þri, mið. og fim um klukkustund. Opnunartími verður því frá 1. febrúar 2012 sem hér segir:
-
Mánudagar kl. 16.00 – 21.00
-
Þriðjudagar kl. 16.00 – 21.00
-
Miðvikudagar kl. 16.00 – 21.00
-
Fimmtudagar kl. 17.00 – 22.00
-
Föstudagar: lokað
31. janúar 2012
Dagur kvenfélagskonunnar
Á morgun miðvikudaginn 1. febrúar nk. er Dagur kvenfélagskonunnar.
Dagurinn, sem er stofndagur Kvenfélagasambands Íslands, var formlega gerður að degi kvenfélagskonunnar í tilefni af 80 ára afmæli KÍ árið 2010. KÍ var stofnað árið 1930 þá þegar höfðu verið stofnuð nokkur héraðssambönd kvenfélaga á Íslandi en fyrsta kvenfélagið var stofnað árið 1869, Kvenfélag Rípurhrepps í Skagafirði.
30. janúar 2012
Dagur leikskólans
Mánudaginn 6. febrúar verður dagur leikskólans haldinn hátíðlegur í leikskólum landsins. 6 febrúar er merkisdagur í íslenskri leikskólasögu því þann dag árið 1950 stofnuðu frumkvöðlar leikskólakennara fyrstu samtök sín.
30. janúar 2012
Lífhlaupið
Lífshlaupið verður ræst í fimmta sinn miðvikudaginn 1. febrúar n.k. Um 16.400 manns tóku þátt í Lífshlaupinu á síðasta ári og fjölgaði þátttakendum um rúmlega 3000 á milli ára. Lífshlaupið höfðar til allra landsmanna og er hægt að skrá þátttöku á vefsíðu Lífshlaupsins www.lifshlaupid.is en þar gefst þátttakendum kostur á að taka þátt í:
vinnustaðakeppni frá 1. – 21. febrúar, fyrir 16 ára og eldri (þrjár vikur)
hvatningarleik fyrir grunnskóla frá 1. – 14. febrúar, fyrir 15 ára og yngri (tvær vikur)
einstaklingskeppni þar sem hver og einn getur skráð inn sína hreyfingu allt árið
27. janúar 2012
Tilkynning til fasteignaeigenda um álagningu ársins 2012
Hvalfjarðarsveit tilkynnir hér með að einungis verða sendir út álagningarseðlar í bréfpósti fyrir árið 2012 til fasteignaeigenda 67 ára og eldri. Aðrir fasteignaeigendur fá ekki sendan álagningarseðil í bréfpósti heldur verður það gert með þeirri nýbreytni að nú geta fasteignaeigendur nálgast álagningarseðil sinn þegar þeim hentar á upplýsinga- og þjónustuveitunni Ísland.is.
23. janúar 2012
Fundur í sveitarstjórn fellur niður
Sveitarstjórn samþykkti samhljóða á fundi sínum þann 17. janúar sl. að fella niður sveitarstjórnarfund sem halda átti þann 24. janúar, á morgun þriðjudag.
Þetta tilkynnist hér með fyrir hönd oddvita.
Sveitarstjóri
23. janúar 2012
Prjóna og handverksfólk í Hvalfjarðarsveit
Gleðilegt ár og takk fyrir það liðna.
Nú ætlum við að byrja að prjóna miðvikudaginn 25 janúar. Kl 19:30 og eitthvað frameftir kvöldi, að Laxárbakka.
Með von um að sjá sem flesta
María Lúísa og Vigdís
p.s. Kaffi og gos til sölu á staðnum.